جۇڭگو عارىش ستانسياسىن ىسكە قوسۋ جۇمىستارىن جالعاستىرادى
سەيسەنبىدە جۇڭگو ءوزىنىڭ وربيتالىق ستانسياسىمەن تۇيىسەتىن «تيانچجوۋ-4» جۇك كەمەسىن ۇشىردى. بۇل تۋرالى قىتايدىڭ باسقارىلاتىن كوسموناۆتيكا باعدارلاماسىنىڭ كەڭسەسى (CSMA) مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
حابارلاماعا سايكەس، «تيانچجوۋ-4» عارىش كەمەسى سەيسەنبىدە قىتايدىڭ وڭتۇستىگىندەگى حاينان پروۆينسياسىنداعى ۆەنچان عارىش ايلاعىنان «چجانچجەن-7» زىمىران تاسىعىشىمەن وربيتاعا شىعارىلدى.
«تيانچجوۋ-4» قحر وربيتالىق ستانسياسىنا التى ايلىق عارىشكەرلەرگە ارنالعان قوردى، ستانسياعا قىزمەت كورسەتۋگە ارنالعان قوسالقى بولشەكتەردى جانە عارىشتىق زەرتتەۋلەر جۇرگىزۋگە ارنالعان جابدىقتاردى جەتكىزەدى.
وربيتالىق كەشەن «تيانحە» عارىش ستانسياسىنىڭ نەگىزگى مودۋلىنەن جانە «تيانچجوۋ-3» جۇك كەمەسىنەن تۇرادى.
ماۋسىم ايىندا باسقارىلاتىن «شەنچجوۋ-14» عارىش كەمەسى ۇشىرىلادى. ول ءۇش تايكوناۆتى (قحر-دا عارىشكەرلەردى وسىلاي اتايدى) وربيتالىق ستانسياعا جەتكىزەدى، ولار جۇڭگو عارىش ستانسياسىن ىسكە قوسۋ جۇمىستارىن جالعاستىرادى جانە التى اي وربيتادا بولادى.