الماتىعا گاسترولدىك ساپارمەن ع.جۇبانوۆا اتىنداعى اقتوبە وبلىستىق فيلارمونياسىنىڭ قازاق كامەرالىق حور ۇجىمى كەلدى. ءداستۇرلى ونەردىڭ قاراشاڭىراعىندا كسرو حالىق ءارتيسى، قازاق كسر مەملەكەتتىك سىيلىعىنىڭ لاۋرەاتى، كومپوزيتور، پروفەسسور عازيزا جۇبانوۆانىڭ 95 جىلدىعىنا ارنالعان «جىر جازامىن جۇرەگىمنەن» اتتى كونسەرت ۇيىمداستىرىلدى.
مەرەكەلىك شارادا اباي اتىنداعى قازاق ۇلتتىق وپەرا جانە بالەت تەاترىنىڭ جەتەكشى ءسوليسى (جەكە ورىنداۋشىسى)، «قۇرمەت» وردەنىنىڭ يەگەرى زارينا التىنبايەۆا، ق ر مادەنيەت سالاسىنىڭ ۇزدىگى شارىگۇل وتەگەنوۆا، سونداي-اق وركەن ساعييەۆ، گۇلجان جۇبانىشيەۆا جانە سەرىك جۇباتقان ونەر كورسەتتى.
باعدارلاما بارىسىندا احمەت جۇبانوۆتىڭ «قارلىعاش»، «اق شولپان»، حالىق ءانى «سامال تاۋ»، تاڭىربەرگەن مولدابايدىڭ ءانى «مولداباي»، ورىس حالىق ءانى «اح، سامارا گورودوك»، ازەربايجان حالىق ءانى «Nءا baxirsan»، ت.ب. قازاق، ورىس جانە شەتەل كومپوزيتورلارىنىڭ اندەرى ورىندالدى.
«قۇرمانعازى اتىنداعى قازاق ۇلتتىق كونسەرۆاتورياسىندا دريجەر ماماندىعىنىڭ 14ء-شى ستۋدەنتتىك پاندىك وليمپياداسى ع.جۇبانوۆانىڭ 95 جىلدىق مەرەيتويىنا ارنالعان. ءبىزدىڭ كەلىپ وتىرعان جايىمىزدىڭ ءمانىسى دە وسىندا. كونسەرتىمىزدىڭ تاقىرىبىن عازيزا احمەتوۆانىڭ «جىر جازامىن جۇرەگىمنەن» شىعارماسىنىڭ اتاۋىمەن قويدىق. سونىمەن قاتار، ءبىرىنشى رەت وسى اۋەننىڭ تۇساۋىن كەستىك. الماتىنىڭ كورەرمەندەرى ەركە، تالعامى جوعارى جاندار عوي، ولاردىڭ كوڭىلىنەن شىعا ءبىلۋ دە ءبىز ءۇشىن ءبىرشاما قيىن- دىق تۋدىردى. الايدا، كوپ جىلدىق تاجىريبەمىزدىڭ ارقا- سىندا كورەرمەنگە تاماشا كوڭىل كۇي سىيلادىق دەگەن سەنىم- دەمىز. وسى رەتتە گاسترولدىك ساپارىمىزدى ۇيىمداستىرىپ، بىزگە قولداۋ ءبىلدىرىپ وتىرعان وبلىس باسشىلىعىنا ەرەكشە العىسىمىزدى بىلدىرەمىز»، – دەيدى ع.جۇبانوۆا اتىنداعى اقتوبە وبلىستىق فيلارمونياسىنىڭ قازاق كامەرالىق حور ۇجىمىنىڭ كوركەمدىك جەتەكشىسى ءارى ديريجەرى مەربول قۇسپانوۆ.
ع.جۇبانوۆا اتىنداعى وبلىستىق فيلارمونياسى – جاڭا ستاندارتقا ساي، مادەني شارالاردى جوعارى دەڭگەيدە وتكىزىپ كەلە جاتقان ونەر ورداسى. 74 جىلدىق تاريحى بار بىرەگەي ۇجىمنىڭ جەكەلەي سوليستەرى كوپتەگەن حالىقارالىق جانە رەسپۋبليكالىق بايقاۋلار مەن فەستيۆالدەردىڭ لاۋرەاتتارى اتانعان.
«ونەر سۇيەر قاۋىمدى تامساندىرۋ ماقساتىندا ءداستۇرلى اندەرىمىزدى، شەتەلدىڭ اۋەنىن، باتىس قازاقستان وڭىرىنەن شىققان كومپوزيتورلاردىڭ تۋىندىلارىن جاڭاشا لەپپەن ورىنداپ شىقتىق. كورمەندەردى تاڭقالدىرا الدىق دەگەن ۇمىتتەمىز. ءبىزدىڭ حور تاۋەلسىزدىكتىڭ قۇرداسى. العاش وسى ۇجىم بوي كوتەرگەلى بەرى ەڭبەكتەنىپ كەلە جاتىرمىن. قاراپ وتىرسام، ونەر الەمىندە وركەندەپ كەلە جاتقانىمىزعا 31 جىلداي بولىپتى. وسى ۋاقىتقا دەيىن بىزگە قولداۋ ءبىلدىرىپ كەلە جاتقان كورەرمەندەرىمىزگە، مادەنيەت باسقارماسىنا العىسىمىزدى بىلدىرەمىز»، – دەيدى ق ر مادەنيەت سالاسىنىڭ ۇزدىگى باقتىگۇل تولەگەن قىزى.
بۇگىندە حور رەپەرتۋارىندا 600-دەن استام تۋىندى بار. حالىق اندەرى، قازاقستاندىق جانە شەتەلدىك كومپوزيتورلاردىڭ كامەرالىق شىعارمالارىمەن قاتار، ارتىستەر ۆ.ا.موسارتتىڭ «رەكۆيەم»، ك.ورفتىڭ «كارمينا بۋرانا»، گ.سۆيريدوۆتىڭ «پۋشكينسكيي ۆەنوك جانە نەيزرەچەننوە چۋدو»، م.ساعاتوۆتىڭ «مەرەكەلىك كانتاتا» جانە تاعى باسقا حور كلاسسيكاسىنىڭ كولەمدى شىعارمالارىن ورىندايدى. تالعامى بيىك، تاجىريبەسى مول ورىنداۋشىلار زالعا جينالعان كورەرمەندەردىڭ قۇلاق قۇرىشىن قاندىرىپ، ريزاشىلىعىنا بولەندى.
ونەرىن ۇسىنا كەلگەن ع.جۇبانوۆا اتىنداعى اقتوبە وبلىستىق فيلارمونياسىنىڭ قازاق كامەرالىق حور ۇجىمى مەن ۇجىمنىڭ كوركەمدىك جەتەكشىسى ءارى ديريجەرى مەربول قۇسپانوۆقا كونسەرۆاتوريا رەكتورى ارمان جۇدەبايەۆتىڭ اتىنان العىس حات تابىستالدى.