جۇڭگو تاعى ءبىر پيلوتتىق كەمەسىن عارىشقا ۇشىردى

عارىشكەرلەر وربيتادا التى اي بولىپ، اشىق عارىشقا ەكى-ۇش رەت شىعادى

قىتايدىڭ شەنچجوۋ-13» پيلوتتىق كەمەسى «تيانحە» عارىش ستانساسىنىڭ مودۋلىمەن ءتۇيىستى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«شەنچجوۋ-13» كەمەسى قىتايدىڭ سولتۇستىگىندە ورنالاسقان «سزيۋسيۋان» عارىش ايلاعىنان جەرگىلىكتى ۋاقىتپەن ساعات 00:23-تە ۇشىرىلدى. كەمەنى وربيتاعا شىعارۋ ءۇشىن «چانچجەن-2-ەف» زىمىران تاسىعىشى قولدانىلعان. سەنبى كۇنى جەرگىلىكتى ۋاقىت بويىنشا ساعات 06:56-دا بورتىندا ەكيپاجى بار جۇڭگو عارىش كەمەسى «تيانحە» عارىش ستانساسىنىڭ نەگىزگى مودۋلىمەن تۇيىسكەن.

جاقىن ارادا ءۇش تايكوناۆت «تيانحە» ستانساسىنىڭ نەگىزگى مودۋلىنە ءوتىپ، ستانساعا قىزمەت ەتۋگە قوسىلادى.

 ەسكە سالا كەتسەك، بۇل قىتايدىڭ پيلوتتىق ەكىنشى عارىش كەمەسى، عارىشكەرلەر وربيتادا التى اي بولىپ، اشىق عارىشقا ەكى-ۇش رەت اتتانادى.
قىركۇيەك ايىندا وربيتاعا كەزەكتى ميسسيانىڭ عارىش ستانساسىندا ۇزاق ۋاقىت بولۋىن قامتاماسىز ەتۋى ءۇشىن ازىق-تۇلىك جانە ارنايى جابدىقتار تيەلگەن جۇك كەمەسى جىبەرىلگەن.

بۇعان دەيىن «شەنچجوۋ-12» پيلوتتىق عارىش ميسسياسى قىركۇيەكتە ءساتتى اياقتالدى.
«تيانحە» عارىش ستانساسى 2022 جىلى جۇمىس ىستەي باستاماق.