جۇڭگو كولىكتەرى نارىقتى جاۋلاپ تۇر

جاڭا جەڭىل جانە كوممەرسيالىق اۆتوموبيلدەردىڭ ساتىلىمى العاشقى سەگىز ايدىڭ قورىتىندىسى بويىنشا 119،2 مىڭ بىرلىكتى قۇراپ، وتكەن جىلمەن سالىستىرعاندا 0،9%-عا تومەندەگەن. الايدا، برەندتەر بويىنشا جاعداي ءارتۇرلى، دەپ حابارلايدى aqshamnews.kz.

ءداستۇرلى كوشباسشىلار Hyundai، Chevrolet جانە Kia نارىقتا ساتىلىمى تومەندەگەن:

• Hyundai كولىكتەرىنىڭ ساتىلىمى13،8%-عا ازايىپ، 31،3 مىڭ بىرلىكتەن 27 مىڭعا دەيىن تومەندەدى.

• ەڭ كوپ ساتىلاتىن Chevrolet كولىكتەرىنە ەلدىڭ قىزىعۋشىلىعى تومەندەپتى. ناقتىراق ايتقاندا ساتىلىم 55،7%، 28،8 مىڭنان 12،8 مىڭعا دەيىن ازايعان.

• ال ەل قىزىعاتىن Kia كولىگىنىڭ ساتىلىمى 7،8%-عا تومەندەپ، 15،1 مىڭ اۆتوموبيل ساتىلعان.

مىنە، وسىلايشا ەلدىڭ نازارى بىردەن اۋاتىن كوشباستاۋشىلاردىڭ ساتىلىمى ازايعان كەزدە، قىتايدان كەلگەن اۆتوكولىك برەندتەرىنە سۇرانىس ارتا ءتۇسىپتى:

• Chery: 32،8%-عا ءوسىپ، 9،3 مىڭ بىرلىكتى قۇرادى.

• Jac: 88،9%-عا ءوسىپ، 7،4 مىڭ اۆتو ساتىلدى.

• Geely: 2،5 ەسەدەن استام ءوسىم، 4،9 مىڭ بىرلىككە دەيىن.

• Haval: 41،7%-عا ءوسىپ، 6 مىڭ بىرلىك ساتىلدى.

• Jetour: 6 ەسەدەن استام وسىممەن 5،8 مىڭ بىرلىك ساتىلدى.

• Changan: 44،2%-عا ءوسىپ، 5،5 مىڭ اۆتو ساتىلدى.

سونداي-اق، Tank، Omoda، Yutong، جانە Jac Trucks برەندتەرى دە ساتىلىمداردىڭ وڭ كورسەتكىشتەرىن كورسەتكەن.