جۇڭگو بۇگىن تاڭەرتەڭ جۇك تاسيتىن «تيانچجوۋ-5» عارىش كەمەسىن ۇشىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل كەمە عارىش ستانساسىنىڭ قۇرىلىسىنا قاجەت جۇكتى جەتكىزەدى. ونىڭ مىندەتى – ستانسانى جابدىقتاۋ.
بۇل جولى كەمەدە ستانسانىڭ وربيتاسىنا كەرەك جانارماي جانە ءسال كەيىنىرەك، 2022 جىلدىڭ جەلتوقسانىندا ۇشاتىن شەنچجوۋ-15 باسقارىلاتىن عارىش كەمەسى ەكيپاجىن قامتاماسىز ەتۋگە قاجەت ماتەريالدار بار.
ايتا كەتەيىك، عارىش ستانساسىنىڭ قۇرىلىسى وسى جىلدىڭ سوڭىنا دەيىن اياقتالادى دەپ جوسپارلانعان.
«تيانچجوۋ-5» عارىش كەمەسى بورتىنا تيەلگەن CZ-7 Y6 /Long March-7 Y6 زىمىرانتاسىعىشى حاينان ارال-پروۆينسياسىنىڭ وڭتۇستىك-قىتاي جاعالاۋىندا ورنالاسقان ۆەنچان كوسمودرومىنان ۇشىرىلدى.
بۇل جايىندا جۇڭگو عارىش باعدارلاماسى كەڭسەسىنىڭ مالىمەتىنەن بەلگىلى بولدى.
سۋرەت: Stan.kz