بۇعان دەيىن جۇڭگو باسشىلىعى كوۆيدتى جەڭگەنىن جاريالاعان بولاتىن.
جۇڭگو 15 ناۋرىزدان باستاپ ۇيىمداسقان توپتاردىڭ قازاقستان مەن كەيبىر ەلدەرگە تۋريستىك ساپارلارىن قايتا باستايدى، دەپ حابارلايدى اlmaty-akshamy.kz
«2023 جىلدىڭ 15 ناۋرىزىنان باستاپ بۇكىل ەل بويىنشا تۋريستىك اگەنتتىكتەر مەن ونلاين-كومپانيالار ەكسپەريمەنتتىك نەگىزدە جۇڭگو ازاماتتارىنا بەلگىلى ءبىر ەلدەرگە شىعۋعا توپتىق تۋرلار مەن «اۆيابيلەت + ءقوناقۇي» قىزمەتىن ۇيىمداستىرۋدى قالپىنا كەلتىرەدى»، - دەلىنگەن قحر مادەنيەت جانە تۋريزم مينيسترلىگىنىڭ مالىمدەمەسىندە.
بۇل تىزىمگە قازاقستاننان باسقا نەپال، برۋنەي، ۆەتنام، موڭعوليا، يران، يوردانيا، تانزانيا، ناميبيا، وزبەكستان، گرۋزيا، ءازىربايجان، ارمەنيا، سەربيا، حورۆاتيا، فرانسيا، گرەسيا، يسپانيا، يسلانديا، يتاليا، دانيا، پورتۋگاليا، سلوۆەنيا، برازيليا، چيلي، ۋرۋگۆاي جانە باسقا دا ءبىرقاتار ەلدەر كىرەدى.
2023 جىلدىڭ 8 قاڭتارىندا جۇڭگو بيلىگى جۇقپالى اۋرۋلار رەيتينگىندەگى COVID-19 كلاسسيفيكاسياسىن «ا» ساناتىنان «ۆ» ساناتىنا ءتۇسىرىپ، قىتايدان باسقا مەملەكەتتەرگە ساياحاتتى بىرتىندەپ قالپىنا كەلتىرە باستادى. تۋريستىك ماقساتتا شەتەلگە شىعۋعا ءتولقۇجات الۋ ءۇشىن جۇڭگو ازاماتتارىنىڭ وتىنىشتەرىن قابىلداۋ جانە قاراۋ راسىمدەرى قالپىنا كەلتىرىلدى.
جۇڭگو ستاتيستيكاسىنا سايكەس، 2019 جىلدىڭ ءبىرىنشى جارتىجىلدىعىندا قىتايلىق تۋريستەر شەتەلدە 1 127،5 ملرد دوللار جۇمساعان. امەريكا كونتينەنتى 24%-بەن ەكىنشى ورىندا، ودان كەيىن ەۋروپا - 13%.
بۇعان دەيىن جۇڭگو باسشىلىعى كوۆيدتى جەڭگەنىن جاريالاعان بولاتىن. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتىنىڭ وكىلدەرى جۇڭگو وتكەن قاراشادان باستاپ COVID-19 الدىن الۋ جانە باقىلاۋ سالاسىندا ۇلكەن جەڭىسكە جەتكەنىن اتاپ ءوتتى.