ەرنات قاشقىنوۆ 150 شاقىرىمدى 9 ساعات 56 مينۋتتا باعىندىردى
ەلوردالىق ەرنات قاشقىنوۆ سولو تاسىلىندەگى ۆەلوشەرۋدە رەكورد ورناتتى. قىسقى ۆەلوشەرۋ قازاقستاننىڭ رەكوردتار كىتابىنا تىركەلدى، دەپ حابارلايدى Almaty-akshamy.kz
شارا ۇلت ۇستازى احمەت بايتۇرسىن ۇلىنىڭ 150 جىلدىق مەرەيتويىنا وراي ءوتتى. ۆەلوشاباندوزدىڭ ايتۋىنشا، قىسقى مارافوننىڭ ەرەكشەلىكتەرى ۋاقىت مەجەسىن باعىندىرۋدا ايتارلىقتاي اسەر ەتكەن.
«قىسقى ۆەلومارافونعا قاتىسىپ، جازعى ۆەلومارافون تۇك ەمەس ەكەنىن ءتۇسىندىم. ەندى قىستا جازداعىداي زىمىراتىپ جۇرە المايسىز. ەڭ ۇزاق جۇرە العانىم 15 شاقىرىم بولدى. جازدا 30 شاقىرىمعا دەيىن بارادى نەگىزى. ءقازىر جەردىڭ ءبارى مۇز»، - دەدى اۋەسقوي ۆەلوشاباندوز ەرنات مەلس ۇلى.