الەمدىك دوداعا 50 ەلدەن 1 443 اتلەت قاتىسپاقشى
12-22 قاڭتاردا لەيك-پلەسيد قالاسىندا (اقش) وتەتىن ححح قىسقى ۋنيۆەرسيادادا قازاقستان نامىسىن 78 سپورتشى قورعايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سپورتتى دامىتۋ ديرەكسياسى» رمقك-نىڭ باسپا ءسوز قىزمەتىنەن ءمالىم ەتكەنىندەي، ون كۇن ىشىندە 12 سپورت تۇرىنەن 86 جۇلدە جيىنتىعى يەسىن تابادى.
بۇعان دەيىن ۋنيۆەرسيادا تاريحىندا مۇنشا مەدال ساراپقا سالىنباعان. لەيك-پلەسيد-2023 ۇيىمداستىرۋ كوميتەتى ءوز تاراپىنان جارىستار كۇنتىزبەسىنە شاڭعى قوسسايىسى مەن تۇعىردان سەكىرۋدى قوسىپ وتىر.
الەمدىك دوداعا 50 ەلدەن 1 443 اتلەت (832 ەر، 611 ايەل) قاتىسپاقشى.
بايراقتى باسەكەدە قازاقستان اتىنان 78 سپورتشى سىنعا تۇسسە، سونىڭ 14ء-ى شاڭعىمەن جارىسۋعا شىعادى.
دەلەگاسيا قۇرامىنداعى باس باپكەر نۇربەرگەن جۇماعازييەۆ باستاعان 12 شورت-ترەكشىدەن قازاقستاندىقتار ۇلكەن ءۇمىت كۇتەدى.
بياتلوننان 9، مانەرلەپ سىرعاناۋ مەن كونكيمەن جۇگىرۋدەن 6 سپورتشى ب ا ق سىنايدى.
سنوۋبورد، تاۋ شاڭعىسى سپورتى، تۇعىردان سەكىرۋ مەن قوسسايىستان 2 ادامنان بار.
شايبالى حوككەيدەن ۇلتتىق قۇراما ساپىندا 21 ستۋدەنت بار.
اقش-تاعى ۋنيۆەرسيادانى Qazsport ارناسى تىكەلەي ەفيردە كورسەتەدى.
بۇعان دەيىن 1972 جىلى الەم ستۋدەنتتەرىنىڭ باسىن قوسقان لەيك-پلەسيد قالاسى وسىمەن ەكىنشى رەت قىسقى ۋنيۆەرسيادانى قابىلداماق.
2019 جىلى كراسنويارسك قالاسىندا (رەسەي) وتكەن ۋنيۆەرسيادادا قازاقستان 8 مەدالمەن (4 كۇمىس، 4 قولا) جالپى ەسەپتە 17-ورىننان كورىنگەن بولاتىن.
قازاقستاندىق ستۋدەنتتەردىڭ وزىق ناتيجەسى 2017 جىلى الماتىداعى باسەكەدە تىركەلدى. ءوز ەلىمىزدەگى دودادا 11 التىن، 8 كۇمىس پەن 17 قولا (بارلىعى 36) مەدالمەن قازاقستان رەسەيدەن كەيىنگى ەكىنشى ساتىعا كوتەرىلگەن ەدى.
سونداي-اق 2015 جىلى يسپانيانىڭ گرانادا جانە سلوۆاكيانىڭ شتربسكە-پلەسو قالاسى قابىلداعان XXVII قىسقى مۋلتيسپورت باسەكەسى ۇلتتىق قۇراما ءۇشىن جاقسى اياقتالدى. ون كۇندە 5 التىن مەن 6 كۇمىستى ەنشىلەگەن قازاقستاندىق دەلەگاسيا جالپى ەسەپتە 3-ورىنعا يە بولدى.
ەسكە سالا كەتەيىك، بۇدان بۇرىن قىسقى ۋنيۆەرسياداعا قاتىساتىن قازاقستان حوككەي قۇراماسى انىقتالعانىن جازعان ەدىك.