الماتىنىڭ قىسقا مەرزىمدى ەكونوميكالىق ينديكاتورى 2023 جىلدىڭ 10 ايىنىڭ قورىتىندىسى بويىنشا 13،1%-عا ءوستى
بۇل تۋرالى الماتى اكىمى ەربولات دوسايەۆ ءماسليحاتتىڭ كەزەكتەن تىس XII سەسسياسىندا مالىمدەدى.
«2023 جىل - الماتى قالاسىن دامىتۋدىڭ جاڭا باعدارلاماسىن ىسكە اسىرۋدىڭ ءبىرىنشى جىلى بولدى. بيىل 10 ايدا الماتى ەكونوميكاسىنىڭ سەرپىندى ءوسۋى قامتاماسىز ەتىلدى. قىسقا مەرزىمدى ەكونوميكالىق ينديكاتور 13،1%-عا ءوستى. وڭدەۋ ونەركاسىبى، ساۋدا، كولىك جانە قويمالاۋ ەكونوميكانىڭ ءوسۋ درايۆەرلەرىنە اينالدى»، - دەدى ەربولات دوسايەۆ.
بيىل 11 ايدا جىلدىق ينفلياسيا 10،5%-عا دەيىن باياۋلادى. 2023 جىلدىڭ قورىتىندىسى بويىنشا قالا ەكونوميكاسىنىڭ ءوسۋى وسى جىلدىڭ باسىنداعى بولجانعان 5% وسۋىمەن سالىستىرعاندا 6،5% دەيىن جەدەلدەيدى دەپ بولجانىپ وتىر.