بۇل تۋرالى الماتى اكىمى ەربولات دوسايەۆ ءماسليحاتتىڭ كەزەكتەن تىس XII سەسسياسىندا مالىمدەدى، دەپ حابارلايدى almaty-akshamy.kz
"اعىمداعى جىلى پرەزيدەنتتىڭ تاپسىرماسى بويىنشا "جايلى مەكتەپ" ۇلتتىق جوباسىن ىسكە اسىرۋ باستالدى. "Samruk-Kazyna Construction" اق جەلىسى بويىنشا 13 مەكتەپتىڭ قۇرىلىسى باستالدى جانە جەكە ينۆەستورلارمەن بارلىعى 37 100 ورىندى 9 مەكتەپتى سالۋ مەن ساتىپ الۋ جونىندەگى مەموراندۋمدارعا قول قويىلدى"، - دەدى ە.دوسايەۆ.
ونىڭ ايتۋىنشا، 2024 جىلى الماتىنىڭ جەكە دامۋ باعدارلامالارى اياسىندا 2 مەكتەپ پەن 4 قوسالقى نىسان قۇرىلىسىن اياقتاۋ، سونداي-اق 3 مەكتەپتى رەكونسترۋكسيالاۋ جوسپارلانۋدا (№59، №155، №189)، ولار بوستاندىق، اۋەزوۆ جانە تۇركسىب اۋداندارىندا ورنالاسقان.
اعىمداعى جىلدىڭ سوڭىنا دەيىن كەشەندى قاۋىپسىزدىك جۇيەسىن ەنگىزۋ بارلىق 206 مەملەكەتتىك مەكتەپتە،
8 ينتەرنات جانە 194 مەملەكەتتىك بالاباقشادا اياقتالادى.
سونداي-اق، الماتى اكىمى 138 مىڭ وقۋشى (ولاردىڭ جالپى سانىنىڭ 45%) جانە 1 قىركۇيەكتەن باستاپ مەملەكەتتىك بالاباقشالاردا ءحاوت وتباسىلارىنان شىققان 5،7 مىڭ بالا 20،9 ملرد.تەڭگە سوماسىنا تەگىن تاماقپەن قامتاماسىز ەتىلگەنىن حابارلادى. بۇل جۇمىستى جالعاستىرۋعا 2024 جىلى 20،8 ملرد تەڭگە قاراستىرىلادى.