قىس ىشىندەگى جاز

يسپانيادا تەمپەراتۋرا 28 گرادۋسقا دەيىن جەتتى.

كورشىلەس پورتۋگاليادا دا وسىنداي جاعداي. ەندى قوس مەملەكەتتە قۋاڭشىلىق ماسەلەسى ۋشىعىپ بارادى. سوندىقتان بيلىك سۋدى تۇتىنۋدى شەكتەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

كۇننىڭ ىستىعىنا تۇرعىندار ءماز بولعانىمەن ماماندار بۇل كليماتتىڭ وزگەرۋىنىڭ كورىنىسى ەكەنىن ەسكەرتەدى.

وسى جاھاندىق جىلىنۋ كەسىرىنەن اۆستراليانىڭ كۆينسلەند شتاتىنىنىڭ ءبىر بولىگىندە داۋىل ويران سالسا، باسقا اۋداندارىنىڭ تۇرعىندارى 40 گرادۋستىق اپتاپ ىستىققا دايىندالىپ جاتىر. 2023 ادامزات تاريحىنداعى ەڭ ىستىق جىل بولدى. ماماندار بيىل ودان دا ىستىق بولا ما دەپ الاڭداۋلى.

ەۋروپاداعى قازىرگى احۋال سول بولجامداردى راستاپ وتىرعانداي. جىل باسىنان بەرى يسپانيادا انومالدى اۋا رايى تىركەلدى. قىس ورتاسىندا ەلدىڭ ءبىرقاتار وڭىرىندە كۇن ىسىپ، اۋا تەمپەراتۋراسى پليۋس 28 گرادۋسقا دەيىن كوتەرىلگەن. بۇعان ءماز بولعان تۇرعىندار سۋعا شومىلىپ كوڭىل كوتەرۋدە. ماماندار بولسا بۇل قۋاناتىنداي جاعداي ەمەس دەيدى. ويتكەنى بىرنەشە جىلدان بەرى پيرەنەي تۇبەگىن قۋاڭشىلىق جايلاپ، احۋال ۋشىققان. قۇرعاقشىلىقتان اسىرەسە كاتالونيا ايماعى كوپ زارداپ شەگىپ وتىر. ءوڭىر بيلىگى اۋىزسۋ پايدالانۋدى شەكتەۋگە ءماجبۇر. تىرشىلىك ءنارىن ۇنەمدەۋ ءۇشىن ءتۇرلى شارالار قولعا الىنىپ جاتىر.