شىمكەنت كوشەلەرىنە جەلتوقسان ايىندا گۇل ەگىلدى.
الەۋمەتتىك جەلىدە شىمكەنت كوشەلەرىنە گۇل ەگىپ جاتقان كوممۋنالدىق سالا قىزمەتكەرلەرى تۋرالى ۆيدەو تارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Facebook-كە ورنالاستىرىلعان ۆيدەوعا وقىرماندار دا ءتۇرلى پىكىر جازىپ جاتىر. ولاردىڭ اراسىندا «قىستىڭ ۋاقىتىندا گۇلدەن بولەك قانشاما پروبلەمالار كوپ. گۇل سولىپ قالادى، ەشكىمگە قاجەتى جوق. قاراجاتتى ىسىراپ جاساعانشا، وزگە ماسەلەلەرگە جۇمساسا، جاقسى بولار ەدى»، «كايران، شىمكەنت، بارلىق جاعىنان الدا»، «جەر توڭ، تۇندە -8-10 بولىپ جاتىر، ءۇسىپ كەتەدى ەمەس پە؟» دەگەن پىكىرلەر بار.
بۇل ماسەلەگە قاتىستى شىمكەنت قالالىق جايلى ورتانى دامىتۋ باسقارماسى رەسمي تۇردە جاۋاپ بەردى.
«قازىرگى تاڭدا قالامىزدا كوكتەم ماۋسىمىندا ەرتە گۇلدەيتىن قىزعالداق جانە حريزانتەما گۇل كوشەتتەرى ەگىلىپ جاتىر. اتالعان گۇلدەر جىلدا وسى ۋاقىتتا ەگىلىپ، كوكتەمدە گۇلدەيدى. سوندىقتان گۇلدەردىڭ وسۋىندە ماسەلە تۋىندامايدى»، - دەلىنگەن مالىمەتتە.