الماتى قالاسى اكىمدىگىنىڭ قاۋلىسىمەن اق قىرىققاباتتىڭ شەكتى رۇقسات ەتىلگەن بولشەك ساۋدا قۇنى بەلگىلەندى. ءتيىستى قاۋلى 2021 جىلعى 18 تامىزدا كۇشىنە ەندى. قۇجاتقا سايكەس، اق قىرىققابات الەۋمەتتىك ماڭىزى بار ازىق-تۇلىك تاۋارىنا شەكتى رۇقسات ەتىلگەن بولشەك ساۋدا باعاسى 30 كۇنتىزبەلىك كۇن مەرزىمگە 83 تگ/كگ مولشەرىندە بەلگىلەنەدى.
اتالعان شارا نارىقتاعى ءونىم قۇنىن تۇراقتاندىرۋعا جانە ساتۋشىلاردىڭ باعانى نەگىزسىز كوتەرۋىنە جول بەرمەۋگە باعىتتالعان. بۇرىن الماتىدا وسىنداي رەتتەۋ تەتىگىن قولدانۋ وڭ ناتيجە كورسەتكەن. جۇمىرتقاعا (I ساناتتاعى) شەكتى باعانى بەلگىلەۋ قالادا ون ءونىمنىڭ ورتاشا قۇنىن 500-دەن 487 تەڭگەگە دەيىن تومەندەتۋگە مۇمكىندىك بەردى.
قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. باعالاردىڭ ساقتالۋىن باقىلاۋدى الماتى قالاسى كاسىپكەرلىك جانە ينۆەستيسيالار باسقارماسىنىڭ ماماندارى مەن اۋداندىق اكىمدىكتەرمەن بىرلەسىپ جۇزەگە اسىرادى.
بۇزۋشىلىق 100 اەك-كە (291 700 تەڭگە)، اتالعان ارەكەتتەر جىل ىشىندە قايتالاپ جاسالعان جاعدايدا 200 اەك-كە (583 400 تەڭگە) دەيىن ايىپپۇل تۇرىندە اكىمشىلىك جاۋاپكەرشىلىككە اكەپ سوعادى.