قىركۇيەكتەن باستاپ مەكتەپ ماڭىنداعى قاۋىپسىزدىك قاتتى قاداعالانادى

ساباق باستالعان كەزدە پوليسيا جاساقتارى ءبىلىم بەرۋ مەكەمەلەرىنىڭ جانىنداعى قاۋىپسىزدىكتى قاداعالايدى. 

بۇل تۋرالى ءىىم اقپارات الاڭىندا وتكەن ونلاين بريفينگتە اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ مالىمدەدى ، دەپ حابارلايدى Almaty-akshamy.kz 

«بيىل 1 قىركۇيەكتەن باستاپ ءبىلىم بەرۋ مەكەمەلەرىنىڭ ماڭىندا پوليسيا جاساقتارىنىڭ تىعىزدىعى ارتادى. ءبىلىم بەرۋ مەكەمەلەرىنىڭ جانىنداعى جول جەلىسى تەك ءىس-شارا كەزىندە عانا ەمەس، تۇراقتى تۇردە تەكسەرىلەتىنىن ايتا كەتۋ كەرەك. سونداي-اق، بالالار مەن جاسوسپىرىمدەردى تاسىمالداۋعا ارنالعان كولىك قۇرالدارىنا كوپ كوڭىل بولىنەدى. بيىل ءبىزدىڭ قىزمەتكەرلەر وقۋ ورىندارىنا تيەسىلى 2 مىڭعا جۋىق كولىكتى تەكسەردى. انىقتالعان كەمشىلىكتەردى جويۋ ءۇشىن ءتيىستى مەكەمەلەرگە 100-دەن استام ۇيعارىم جولدانعان»، - دەيدى ءىىم وكىلى. 

ونىڭ ايتۋىنا قاراعاندا، بالالاردى جول-كولىك جاراقاتتارىنان قورعاۋ ماسەلەسىندە وقۋ پروسەسى دە ماڭىزدى قىزمەت اتقارادى. 

«ءبىلىم جانە عىلىم مينيسترلىگىنىڭ ۇيىمداستىرۋىمەن ءبىلىم بەرۋ ۇيىمدارىندا جۇيەلى تۇردە، وقۋ جوسپارى اياسىندا جولدا ءجۇرۋ قاعيدالارى بويىنشا وقىتۋ قاراستىرىلعان. ءوز كەزەگىندە پوليسيا قىزمەتكەرلەرى مەكتەپ وقۋشىلارىنا جول ءجۇرىسى قاعيدالارىن ۇيرەتۋ بويىنشا ونلاين فورماتتا مىڭنان استام كونكۋرستار مەن ۆيكتورينالار وتكىزدى. 1 قىركۇيەكتەن باستاپ بۇل باعىتتاعى جۇمىس ءداستۇرلى فورماتتا جالعاسىن تابادى دەپ سەنەمىز»، - دەدى جاندوس مۇراتالييەۆ.