«بالالاردىڭ جولداعى قاۋىپسىزدىگى» تاقىرىبىنداعى بريفينگتە ءىىم اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ وسىلاي دەدى.
ەلىمىزدەگى جولعا جاقىن ورنالاسقان 4 مىڭ ءبىلىم بەرۋ مەكەمەسىنەن 2 مىڭ كەمشىلىك انىقتالدى، دەپ حابارلايدى Almaty-akshamy.kz
«جولعا جاقىن ورنالاسقان ءبىلىم بەرۋ مەكەمەلەرىنىڭ اۋماعىنا 4 مىڭنان استام تەكسەرۋ جۇمىستارى جۇرگىزىلدى. تەكسەرۋ ناتيجەلەرى بويىنشا انىقتالعان كەمشىلىكتەردى جويۋ ءۇشىن ۋاكىلەتتى مەكەمەلەرگە 2 مىڭعا جۋىق نۇسقاما بەرىلدى. قازىرگى ۋاقىتتا 3 612 مەكتەپتىڭ جانىندا جاياۋ جۇرگىنشى وتكەلدەرى بار، 2 473 مەكتەپتىڭ جانىندا جاساندى كەدەرگىلەر ورنالاستىرعان، ال 2 300-گە جۋىق مەكتەپ جانىندا جاياۋ جۇرگىنشىلەرگە ارنالعان لابيرينت تەكتەس قورشاۋلار ورناتىلعان»، - دەيدى كوميتەت باسشىسىنىڭ ورىنباسارى.
سونداي-اق، جاندوس مۇراتالييەۆ ءبىلىم بەرۋ مەكەمەلەرىنىڭ جانىندا 1 160 جول بەلگىسى جاڭارتىلعانىن ايتتى.
«ءبىلىم بەرۋ مەكەمەلەرىنىڭ جانىندا 1 160 جول بەلگىسى اۋىستىرىلىپ، قايتا ورناتىلدى. مىڭعا جۋىق جاياۋ جۇرگىنشىلەر وتكەلى جابدىقتالىپ، 8 مىڭ مەتردەن استام جاياۋ جۇرگىنشىلەر جولى سالىندى، 16 مىڭ مەتر جول جاساندى جولمەن جارىقتاندىرىلدى»، - دەدى ءىىم وكىلى.