زاڭ "ەركىن-توو" گازەتىندە جاريالانعان كۇننەن باستاپ كۇشىنە ەنەدى.
باسىلىم كەلەسى سەيسەنبىدە جارىققا شىعادى، دەپ حابارلايدى Almaty-akshamy.kz پرەزيدەنتتىڭ باسپا ءسوز حاتشىسى اسقات الاگوزوۆتىڭ سوزىنە سىلتەمە جاساپ.
جاڭا تۋدى ىلگەن كۇننىڭ وزىندە قازىرگى مەملەكەتتىك رامىزگە قۇرمەتپەن قاراۋ تالابى كۇشىندە قالادى
پرەزيدەنتتىڭ باسپا ءسوز حاتشىسى اسقات الاگوزوۆ سادىر جاپاروۆتىڭ تۋدى وزگەرتۋ تۋرالى زاڭعا قول قويعانىن ەسكە سالدى. زاڭ "ەركىن-توو" گازەتىندە جاريالانعان كۇننەن باستاپ كۇشىنە ەنەدى. باسىلىم كەلەسى سەيسەنبىدە جارىققا شىعادى.
"مينيسترلەر كابينەتى ءوز قاۋلىسىمەن مەملەكەتتىك تۋدىڭ تەحنيكالىق ەرەكشەلىكتەرىن بەكىتۋى كەرەك. سول قاۋلىنىڭ نەگىزىندە جاڭا تۋ ازىرلەنىپ، عيماراتتارداعى رامىزدەر اۋىستىرىلادى. ياعني، بۇل ءبىراز ۋاقىتتى الادى"، – دەپ ءتۇسىندىردى الاگوزوۆ.
ول جاڭا تۋدى ىلگەن كۇننىڭ وزىندە قازىرگى مەملەكەتتىك رامىزگە قۇرمەتپەن قاراۋ تالابى كۇشىندە قالاتىنىن ايتتى. الاگوزوۆتىڭ ايتۋىنشا، بۇل جاپاروۆتىڭ ناقتى تاپسىرماسى.