قىرعىزستاندىق اۆتوكولىكتەردى ۇرلاۋعا ماشىقتانعان الماتىلىق ۇستالدى

ۇستالعان ازامات تەك قانا قىرعىزستاندا تىركەلگەن Honda Odyssey كولىكتى ۇرلاۋعا ماماندانعان

كۇدىكتىنى اشكەرەلەۋ جانە ۇستاۋ ءىس-شاراسىن الاتاۋ اۋداندىق پب جانىنداعى پوليسيا ءبولىمىنىڭ جانە كريمينالدىق پوليسيانىڭ قىزمەتكەرلەرى جۇرگىزدى، دەپ حابارلايدى Almaty-akshamy.kz

«جەدەل ىزدەستىرۋ ءىس-شارالارىن جۇرگىزۋ بارىسىندا كۇدىكتى انىقتالىپ، تۇرعىلىقتى جەرى الماتى وبلىسى، قاراساي اۋدانىندا ۇستالدى. انىقتالعانداي، بۇرىن توناۋ جانە ۇرلىق جاساعانى ءۇشىن سوتتالعان 29 جاستاعى ك.ەسىمدى ازامات، تۇنگى ۋاقىتتا قۇلىپتى اشاتىن جانە قوزعالتقىشتى ىسكە قوسۋعا ارنالعان ارنايى تەحنيكانىڭ كومەگىمەن Honda Odyssey اۆتوكولىكتەرىن ۇرلاعان»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

الاتاۋ اۋداندىق پب جانىنداعى پوليسيا ءبولىمىنىڭ باستىعى قۇماربەك كەنشىنبايەۆ كۇدىكتىنىڭ ۇرلانعان كولىكتەردى ساتۋمەن اينالىسقانىن اتاپ ءوتتى. كۇدىكتى سوڭعى رەت ۇرلاعان كولىگىنەن قۇتىلىپ ۇلگەرمەدى. كولىك تابىلدى جانە تاركىلەندى. قىلمىستىق ءىس ق ر قك-نىڭ 188-بابى 3-بولىگى بويىنشا تەرگەلۋدە. تەرگەۋ كەزەڭىندە ۇرلىقشىنىڭ ءوزى ۋاقىتشا ۇستاۋ يزولياتورىنا قامالدى.