زامان بىلگىردىڭ قولىندا
قازاقستاندىق IT-كومپانيالار ەەو ەلدەرىنىڭ اۋماعىندا باسەكەلەستىككە قابىلەتتىلىكتەرىن جەتىلدىرىپ، ءوز ازىرلەمەلەرىن اۋقىمداي الادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ
ەۋرازيالىق دامۋ بانكى مەن «زەردە» ۇلتتىق حولدينگىنىڭ باستاماسىمەن ارنايى قۇرىلعان Astana Hub ەكوجۇيەسىنىڭ ارقاسىندا وسىنداي مۇمكىندىك تۋىنداپ وتىر.
تاراپتار قول قويعان مەموراندۋمعا سايكەس، ىرىكتەلگەن ستارتاپتار باستاپقى كەزەڭدە ىشكى قارجى كوزدەرىنەن قارجىلاندىرىلادى، كەيىن ساراپشىلىق باعالاۋدان سوڭ ەڭ ءتيىمدى جوبالار حالىقارالىق قارجى ۇيىمدارىنىڭ ينۆەستيسيالارىنا ۇمىتتەنە الادى.
«قازىرگى جۇيە نارىقتىق تەتىكتەر ارقىلى قۇرىلدى. نارىق قاتىسۋشىلارى قاي باعىتتاردى قارجىلاندىراتىنىن وزدەرى تاڭدايدى. بۇل – ەڭ پارمەندى ءتاسىل. بۇگىنگى كۇنى Astana Hub-تىڭ ەكوجۇيەسىندە ارنايى سالىقتىق رەجيم قۇرىلعان، وندا 579 كومپانيا جۇمىس ىستەيدى. 2019 جىلدىڭ ساۋىرىنەن بەرى قوردالانعان قارجى سوماسى 380 ملن دوللاردى قۇرايدى»، - دەدى «زەردە» ۇلتتىق حولدينگىنىڭ باسقارما ءتوراعاسىنىڭ ورىنباسارى مارلەن سيحايەۆ.