قاۋلىنىڭ ءتيىستى جوباسى قوعامدىق تالقىلاۋعا شىعارىلعان، دەپ حابارلايدى aqshamnews.kz.
"ءدىني ادەبيەتتەردى، وزگە دە ءدىني باسپا، اۋديو-، بەينەماتەريالداردى قوعامدىق ورىنداردا جانە تۇرعىن ءۇي-جايلاردى ارالاۋ جولىمەن، مەملەكەتتىك جانە مۋنيسيپالدىق ۇيىمداردا، مەكتەپكە دەيىنگى ءبىلىم بەرۋ جانە جالپى ءبىلىم بەرۋ ۇيىمدارىندا تاراتۋعا تىيىم سالۋ ۇسىنىلادى"، - دەلىنگەن قۇجاتتا.
بۇدان باسقا، مەملەكەتتىك ءدىن كوميتەتى قارتتار مەن مۇگەدەكتەر ۇيلەرىندە، جازاسىن وتەۋ تۇزەۋ مەكەمەلەرىندە، تەرگەۋ يزولياتورلارىندا، سونداي-اق قارۋلى كۇشتەردىڭ قۇرامالارىندا، بولىمدەرى مەن بولىمشەلەرىندە ءدىن ىستەرى جونىندەگى ۋاكىلەتتى مەملەكەتتىك ورگاننىڭ كەلىسىمىنسىز ءدىني راسىمدەردى، جينالىستاردى جانە وزگە دە ءدىني ءىس-شارالاردى وتكىزۋ ءۇشىن شەتەلدىك ءدىني ۇيىمداردىڭ ءدىن قايراتكەرلەرى مەن ۋاعىزشىلارىن شاقىرۋعا تىيىم سالۋدى جاقتادى.
ءدىني ۇيىمداردىڭ نەمەسە ولاردىڭ وكىلدەرىنىڭ مەملەكەتتىك ورگانداردىڭ، جەرگىلىكتى ءوزىن-وزى باسقارۋ ورىندارى مەن ولاردىڭ شەنەۋنىكتەرىنىڭ قىزمەتىنە ارالاسۋىنا تىيىم سالۋ جانە ايىپپۇل سالۋ ۇسىنىلادى.
بۇدان باسقا، ءدىني قىزمەت سۋبەكتىلەرىنىڭ ساياسي پارتيالاردىڭ قىزمەتىن قارجىلاندىرۋعا تىيىم سالۋ جونىندە ۇسىنىس ەنگىزىلدى.
سونداي-اق، قىرعىزستاننىڭ ءدىن ىستەرى جونىندەگى مەملەكەتتىك كوميسسياسى ەلدە ازاماتتىڭ جەكە باسىن سايكەستەندىرۋگە مۇمكىندىك بەرمەيتىن، مەملەكەتتىك ورگاندار مەكەمەلەرىندە جانە قوعامدىق ورىنداردا ادامنىڭ بەتى كورىنبەيتىن كيىم كيۋگە تىيىم سالۋدى ۇسىنادى.