قىرعىزستان پرەزيدەنتى سادىر جاپاروۆ قازاقستانعا رەسمي ساپارمەن كەلەدى، دەپ حابارلايدى اlmaty-akshamy.kz.
بۇل تۋرالى قازاقستان رەسپۋبليكاسى مەن قىرعىز رەسپۋبليكاسى سىرتقى ىستەر مينيسترلەرىنىڭ كەزدەسۋىندە بەلگىلى بولدى.
قىرعىز رەسپۋبليكاسى سىرتقى ىستەر مينيسترلىگىنىڭ حابارلاۋىنشا، مۇرات نۇرتىلەۋ رەسمي ساپارمەن بىشكەكتە ءجۇر.
"ەكى ەلدىڭ سىرتقى ىستەر ۆەدومستۆولارىنىڭ باسشىلارى كىشى جانە كەڭەيتىلگەن قۇرامدا ساياسي، ساۋدا-ەكونوميكالىق، سۋ-ەكونوميكالىق سالالارداعى ستراتەگيالىق سەرىكتەستىك پەن وداقتاستىق قىرعىز-قازاق قاتىناستارىنىڭ جاي-كۇيى مەن دامۋ پەرسپەكتيۆالارىن ەگجەي-تەگجەيلى تالقىلادى. ەنەرگەتيكا جانە مادەني-گۋمانيتارلىق سالالارداعى ەكى ەلدىڭ حالىقارالىق جانە وڭىرلىك ۇيىمدار اياسىنداعى ءوزارا ءىس-قيمىلى تۋرالى پىكىر الماستى"، - دەلىنگەن حابارلامادا.
سونىمەن قاتار مينيسترلەر ەكى ەلدىڭ مەملەكەت باسشىلارى، پارلامەنتتەرى مەن ۇكىمەتتەرى دەڭگەيىندە تۇراقتى ساياسي جانە ەكونوميكالىق بايلانىستاردى قولداۋعا ءوزارا مۇددە تانىتقانى اتاپ ءوتىلدى.