قىرعىزستان پرەزيدەنتى سادىر جاپاروۆ قازاقستانعا كەلەدى.
سادىر جاپاروۆتىڭ قازاقستانعا رەسمي ساپارى 18-19 ساۋىردە وتەدى، دەپ حابارلايدى Almaty-akshamy.kz.
قىرعىزستاننىڭ قازاقستانداعى ەلشىسى داستان ديۋشەكەيەۆ ەكى ەل باسشىلارى جوعارى مەملەكەتارالىق كەڭەس وتىرىسىن وتكىزەتىنىن ايتتى. تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلايدى.
سونىمەن قاتار سادىر جاپاروۆ قازاقستانداعى قىرعىز كينوسى كۇندەرىنىڭ اشىلۋىنا جانە باسقا دا مادەني ءىس-شارالارعا قاتىسادى.
ەسكە سالايىق، بۇعان دەيىن پرەزيدەنت قاسىم-جومارت توقايەۆ سادىر جاپاروۆپەن تەلەفون ارقىلى سويلەسىپ، وعان جانە قىرعىز حالقىنا سۋ تاسقىنىنا بايلانىستى گۋمانيتارلىق كومەك كورسەتكەنى ءۇشىن العىسىن بىلدىرگەن ەدى.