يلون ماسككە قاتىستى تەرگەۋ باستالدى

ماسك سۋديا الەكساندر دە موراەستىڭ شەشىمىنە اپەللياسيالىق شاعىم ءتۇسىردى. 

برازيليا جوعارعى سوتى X الەۋمەتتىك پلاتفورماسى بويىنشا يلون ماسكقا قارسى تەرگەۋ باستادى، دەپ حابارلايدى اlmaty-akshamy.kz DW اگەنتتىگىنە سىلتەمە جاساپ.

"X بۇعاتتالعان پروفيلدەردى قايتا اكتيۆتەندىرۋ ارقىلى جوعارعى سوت شىعارعان سوت بۇيرىقتارىن ەلەمەۋىن توقتاتۋى كەرەك"، - دەلىنگەن سوت مالىمدەمەسىندە.

ماسك سۋديا الەكساندر دە موراەستىڭ شەشىمىنە اپەللياسيالىق شاعىم ءتۇسىرىپ، ونىڭ كونستيتۋسياعا قايشى ەكەنىن ايتتى.

ال، موراەس سوت شەشىمىمەن X پلاتفورماسىن دەزينفورماسيا تاراتقان ءبىرقاتار اككاۋنتتاردى بۇعاتتاۋعا ءماجبۇر ەتتى.

"الەۋمەتتىك جەلى ەرەجەسىز ايماق ەمەس. ءبىز شەتەلدە تۇراتىن ميللياردەرلەردىڭ الەۋمەتتىك جەلىلەردى باقىلاۋىنا جانە سوت شەشىمدەرىن ەلەمەي، ءبىزدىڭ بولىمشەلەرىمىزگە ءقاۋىپ ءتوندىرۋ ارقىلى زاڭ جۇيەسىن اياقاستى ەتۋگە دايىن تۇرۋىنا جول بەرە المايمىز" دەپ جازدى موراەس ءوز شەشىمىندە.

ءوز كەزەگىندە يلون ماسك سۋديا موراەستى برازيليا حالقىنىڭ ەركى مەن زاڭدارىن بۇزاتىن "اگرەسسيۆتى سەنزۋرا" ءۇشىن ايىپتادى.

ايتا كەتەيىك، X پلاتفورماسى سوت شەشىمىن ەلەمەيتىن بولسا، كونۆەرتاسيا ءۇشىن كۇنىنە 18 000 ەۋرو ايىپپۇل تولەيدى.