اتالعان كورشى ەلدەردىڭ «باس اۋرۋىنا» اينالعان، تالاي قاقتىعىسقا سەبەپ بولعان جەر داۋى ەكى تاراپتىڭ كەلىسىمەن ءبىرجولا شەشىمىن تاپتى.
بۇل جايىندا islam.kz پورتالى IslamNews اقپارات كوزىنە سىلتەمە جاساي وتىرىپ ءمالىم ەتەدى.
قىرعىزداردىڭ مينيسترلەر كابينەتىنىڭ حابارلاماسىنا سايكەس ەلدىڭ وڭتۇستىگىندە تاياۋدا ەكى ەلدىڭ ارنايى قىزمەت وكىلدەرى مەن ۇكىمەت مۇشەلەرى اراسىنداعى مەملەكەتتىك شەكارانى دەليميتاسيالاۋ جانە دەماركاسيالاۋ جونىندە جيىن وتكەن. ەندى قورتىندى قۇجاتقا قول قويىلادى. مىڭداعان شاقىرىمعا سوزىلىپ جاتقان ەكى ەل اراسىنداعى شەكارا ماڭىندا داۋلى ايماق جەرگىلىكتى تۇرعىنداردىڭ جانە شەكاراشىلار اراسىنداعى قاقتىعىسقا تۇرتكى بولىپ كەلگەن ەدى. ورتا ازياداعى جەر جانە سۋ ماسەلەسى كورشى ەلدەر اراسىندا ءجيى تالاس-تارتىسقا سەبەپ بولىپ جاتادى. كىشىگىرىم قاقتىعىستاردىڭ ءوزى ۇلكەن سوعىسقا ۇلاسۋ ءقاۋپى بولعانىن دا جوققا شىعارۋعا بولمايدى. تەك ديپلوماتيالىق جولمەن شەشىمىن تاۋىپ كەلەدى.