قىرعىزستاندا 19 قىركۇيەك ۇلتتىق ازا تۇتۋ كۇنى دەپ جاريالاندى.
تاجىكستان مەن قىرعىزستان شەكاراسىنداعى قاقتىعىستاردىڭ سالدارىنان بارلىعى 94 ادام قازا تاۋىپ، 150-دەن استام ادام جاراقات الدى، دەپ حابارلايدى Almaty-akshamy.kz Inbusiness.kz سىلتەمە جاساپ.
ەكى ەل اراسىنداعى قاقتىعىس 14 قىركۇيەكتەن 16 قىركۇيەككە دەيىن جالعاستى.
ەكى ەلدىڭ ۇكىمەتتەرىنىڭ جەكسەنبىلىك مالىمدەمەسىنە سۇيەنسەك، قاقتىعىس قۇرباندارىنىڭ جالپى سانى 94-كە جەتتى. قىرعىزستان بيلىگى شەكارا ماڭىنداعى باتكەن وبلىسىنداعى قاقتىعىس ناتيجەسىندە 59 ادام قازا تاۋىپ، تاعى 144 ادام جاراقات العانىن حابارلادى.
تاجىكستان سىرتقى ىستەر مينيسترلىگى تاجىك تاراپىنان زارداپ شەككەندەردىڭ سانىن ءبىرىنشى رەت اتادى. ۆەدومستۆونىڭ فەيسبۋكتەگى پاراقشاسىندا 35 قازا تاپقان جانە 25 جارالانعان تاجىك ازاماتتارى تۋرالى حابارلانعان، ولاردىڭ اراسىندا ايەلدەر مەن بالالار بار.