الەمدىك رەيتينگ جاڭارتىلدى.
ايەلدەر تەننيسى قاۋىمداستىعى (WTA) جاڭارتىلعان الەمدىك رەيتينگتى جاريا ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاننىڭ ءبىرىنشى راكەتكاسى ەلەنا رىباكينا ءۇش ساتىعا جوعارىلاپ، 22ء-شى ورىنعا جايعاستى.
ەلىمىزدىڭ ۇزدىك تەننيسشىسى سلوۆەنياداعى پورتوروج جارىسىنىڭ فينالىنا دەيىن جەتۋى ارقاسىندا رەيتينگتىك ۇپاي سانىن 1855-كە جەتكىزدى.
ە.رىباكينا بۇگىن باستالعان توكيو WTA 500 تۋرنيرىندە ءساتتى ونەر كورسەتسە، رەيتينگىن جاقسارتا الادى. ول ەرتەڭ الەمنىڭ 30-شى راكەتكاسى، رەسەيلىك ليۋدميلا سامسونوۆامەن العاشقى اينالىمدا كورتقا شىعادى.
الەمدىك رەيتينگتە تاعى ءبىر قازاقستاندىق يۋليا پۋتينسيەۆا 36-دان 41-گە تومەندەدى.
جۇپتىق سىندا اننا دانيلينا 20-ورنىندا قالسا، ە.رىباكينا 102-دەن 100-ساتىعا ىلىكتى.