بۇعان دەيىن مەملەكەتتىك ايىپتاۋشى تاراپ ءبارىن كىنالى دەپ تانۋدى سۇراعان بولاتىن
سوت بارلىق ايىپتالۋشىلاردى 2020 جىلدىڭ قازان ايىندا تارتىپسىزدىكتەردى ۇيىمداستىرۋ ىسىندە قىلمىس قۇرامىنىڭ بولماۋىنا بايلانىستى اقتادى. مۇنداي شەشىم بۇگىن ەل استاناسىنىڭ پەرۆوماي اۋداندىق سوتىندا وتكەن وتىرىستا شىعارىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كابار اگەنتتىگىنىڭ مالىمەتىنشە، بۇعان دەيىن مەملەكەتتىك ايىپتاۋشى تاراپ ءبارىن كىنالى دەپ تانۋدى سۇراعان بولاتىن. پرەزيدەنت اپپاراتىنىڭ بۇرىعى باسشىسى فاريد نيازوۆ سوت زالىندا قاماۋدان بوساتىلدى. بۇرىنعى پرەزيدەنت المازبەك اتامبايەۆ ءتارتىپتى بۇزعانى وسى ءىس بويىنشا وتكەن ءۇشىن سوت زالىنان شىعارىلدى.
ايتا كەتسەك، 2020 جىلدىڭ 5-6 قازانىندا ەل استاناسىندا جوگوركۋ كەنەش دەپۋتاتتارىن سايلاۋ قورىتىندىلارىن بۇرمالاۋعا قارسى جاپپاي نارازىلىق شەرۋلەرى وتكەن بولاتىن. وسىدان كەيىن جاپپاي تارتىپسىزدىكتەر ورىن الىپ، سالدارىنان ازاماتتار زارداپ شەكتى. كولونيالاردان ءبىرقاتار سوتتالعان ساياساتكەرلەر شىعارىلدى. ونىڭ ىشىندە بۇرىنعى پرەزيدەنت المازبەك اتامبايەۆ تا بار. ول قىلمىس سەركەسى ازيز باتۋكايەۆتى زاڭسىز بوستاندىققا جىبەرگەنى ءۇشىن 11 جىلعا سوتتالعان بولاتىن. كەيىن 2020 جىلدىڭ قازان ايىندا جاپپاي تارتىپسىزدىكتەر بويىنشا قىلمىستىق ءىس جۇرگىزۋ اياسىندا المازبەك اتامبايەۆ، پرەزيدەنت اپپاراتىنىڭ بۇرىنعى باسشىسى فاريد نيازوۆ، مۇقك بۇرىنعى قىزمەتكەرى قانات ساعىمبايەۆ، ءىىم باسشىسىنىڭ بۇرىنعى ورىنباسارى كۋرسان اسانوۆ، بەلسەندى تەمىرلان سۇلتانبەكوۆ جانە ساياساتكەر جەنيش مولدوكماتوۆ ۇستالدى.