ءىىم قالاارالىق تاسىمالداۋ سالاسىندا قىمبات اۆتوكولىكتەر مەن ءتۇرلى تاۋارلاردى جىمقىرۋمەن بايلانىستى الاياقتىق فاكتىلەرى تۋرالى ەسكەرتتى، دەپ حابارلايدىا اlmaty-akshamy.kz.
تاپسىرىس بەرۋشىلەرمەن جانە جۇك كولىكتەرىنىڭ جۇرگىزۋشىلەرىمەن ولاردىڭ كولىك پەن تاۋار تاسىمالداۋ تۋرالى حابارلاندىرۋلارى بويىنشا الاياقتار حابارلاسىپ، تاسىمالداۋ قىزمەتىن ۇسىنادى. ولار تاپسىرىس بەرۋشىلەرگە وزدەرىن اۆتوكولىك جۇرگىزۋشىسى رەتىندە، ال جۇرگىزۋشىلەرگە تاپسىرىس بەرۋشى رەتىندە تانىستىرادى. ەكى تاراپتى دا الداپ، كوندىرىپ، ودان ءارى قاراي زاڭسىز وتكىزۋ ماقساتىندا ۇرلانعان تاۋاردى ارتادى. كوبىنەسە مۇنداي فاكتىلەر الماتى قالاسى مەن الماتى وبلىسىنان باسقا وڭىرلەرگە تاسىمالداۋ بارىسىندا انىقتالدى، – دەدى دەپارتامەنت باستىعى ءىىم رەسمي وكىلى شىڭعىس الەكەشيەۆ.
جەدەل-ىزدەستىرۋ ءىس-شارالارىنىڭ ناتيجەسىندە وسىنداي قىلمىستىق توپتىڭ 5 مۇشەسى ۇستالدى.
وسىعان بايلانىستى ءىىم ازاماتتارعا جۇكتى جونەلتۋ جانە قابىلداۋ بارىسىندا بارلىق قاجەتتى قۇجاتتارمەن مۇقيات تانىسۋدى ۇسىنادى. حابارلاندىرۋدا كورسەتىلگەن جۇرگىزۋشىنىڭ ءنومىرىن مىندەتتى تۇردە تەكسەرىپ، ونىمەن تاسىمالداۋ مارشرۋتىن تالقىلاپ، جەتكىزۋ مەكەنجايىن انىقتاپ الۋ قاجەت. كۇدىكتى ىس-ارەكەتتەردى بايقاساڭىز، دەرەۋ پوليسياعا حابارلاسىڭىز، – دەدى شىڭعىس الەكەشوۆ.