قىمبات گادجەتتەردى تۇرعىنداردىڭ اتىنان رەسىمدەگەن الماتىلىق ۇستالدى

حالىقتى الداۋمەن نەسيە راسىمدەگەن الاياق انىقتالدى

الماتىنىڭ 19 جاستاعى تۇرعىنى حالىقتى الداپ، ولاردىڭ اتىنان نەسيەگە قىمبات گادجەتتەردى راسىمدەگەن، دەپ حابارلايدى اlmaty-akshamy.kz Polisia.kz-كە سىلتەمە جاساپ.

انىقتالعانداي، جىگىت ينتەرنەتتەن كەزدەيسوق ادامداردىڭ مالىمەتتەرىن تاۋىپ الىپ، بىرنەشە اي بويى ولاردىڭ اتىنان تاۋارلىق نەسيەلەر راسىمدەپ كەلگەن. نەسيە ماقۇلدانعاننان كەيىن، ول قىمبات تەلەفونداردى الىپ، ءۇشىنشى تۇلعالارعا ساتىپ جىبەرگەن جانە، ارينە، نەسيەنى تولەۋ تۋرالى ويلاعان دا جوق.

«پوليسياعا بەس ازامات ارىزدانعان، كۇدىكتى ولاردىڭ اتىنان “Iphone” ماركالى ۇيالى تەلەفونداردى راسىمدەگەن. جەدەل ىزدەستىرۋ ءىس-شارالارى بارىسىندا الاياقتىق جاسادى دەگەن كۇدىكتى ۇستالدى. قىلمىستىق ءىس ق ر قك-نىڭ 190-بابى 3-بولىگى (الاياقتىق) بويىنشا تەرگەلۋدە. كەلتىرىلگەن شىعىن كولەمى شامامەن ءبىر جارىم ميلليون تەڭگەنى قۇرايدى»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

كۇدىكتى ۋاقىتشا ۇستاۋ يزولياتورىنا قامالدى. ال المالى اۋدانىنىڭ پوليسيا باسقارماسى اتالعان تۇلعانىڭ زاڭسىز ارەكەتىنەن زارداپ شەككەندەرگە مىنا تەلەفوندار ارقىلى حابارلاسۋعا بولاتىنىن ەسكەرتەدى: 8-708-707-9202؛ 8-705-555-7763؛ 8-775-719-2727.