"قازاقكونسەرتتىڭ" اتاۋى ق ر ۇكىمەتىنىڭ 17 تامىزداعى قاۋلىسىنا سايكەس اۋىستى.
"قازاقكونسەرتتىڭ" رەسمي اتاۋى اۋىستى، دەپ حابارلايدى Almaty-akshamy.kz
ەلىمىزدىڭ باس كونسەرتتىك ۇيىمىنا كسرو جانە قازاقستاننىڭ حالىق ءارتىسى، حالىق قاھارمانى روزا باعلانوۆانىڭ ەسىمى بەرىلدى.
2022 جىلى قازاقتىڭ بۇلبۇل ءانشىسى روزا باعلانوۆانىڭ تۋعانىنا 100 تولۋىنا وراي مەملەكەت باسشىسى قاسىم-جومارت توقايەۆ ۇلى ءانشىنىڭ ەسىمىن حالىق جادىندا ماڭگى ساقتاۋ ءۇشىن شارالاردى قابىلداۋدى تاپسىرعانى بەلگىلى. ۇيىم باسشىسى جەڭىس سەيدوللا ۇلى مالىمدەگەندەي، "قازاقكونسەرت" ۇجىمى ءۇشىن بۇل - وزەكتى تاپسىرما.
"قازاقكونسەرت" تاراپىنان ۇيىمعا روزا باعلانوۆانىڭ ەسىمىن بەرۋ ماسەلەسىن قاراستىرۋ جونىندە مادەنيەت جانە سپورت ءمينيسترى اقتوتى رايىمقۇلوۆانىڭ اتىنا حات جولدانعان بولاتىن. بۇل يگى باستامانى حالىق ارتىستەرى، "قازاقكونسەرت" قۇرامىندا ونەر كورسەتىپ جۇرگەن ەلىمىزدىڭ ەڭبەك سىڭىرگەن قايراتكەرلەرى، مادەنيەت ۇزدىكتەرى مەن جاس تالانتتار بىردەن قولدادى. ولاردىڭ قاتارىندا: بيبىگۇل تولەگەنوۆا، نۇرعالي ءنۇسىپجانوۆ، مۇرات قۇسايىنوۆ، اقجول مەيىربەكوۆ، التىنبەك قورازبايەۆ، روزا رىمبايەۆا، ايمان مۋساحادجايەۆا، ناعيما ەسقالييەۆا، ماقپال ءجۇنىسوۆا، ايجان نۇرماعامبەتوۆا، باعدات سامەدينوۆا، جەڭىس ىسقاقوۆا، قۇرماش ماحان، ازامات جىلتىركوزوۆ، ەرلان رىسقالي، مەدەت چوتابايەۆ، امىرە ت.ب. ورىنداۋشىلار بار. اتالعان شارا روزا باعلانوۆا ەسىمىنىڭ ۇلت جادىندا، كەلەشەك ۇرپاقتىڭ ەسىندە ماڭگى ساقتالۋىنا جانە ۋاقىت وتكەن سايىن قايتا جاڭعىرىپ وتىرۋىنا ەلەۋلى ۇلەس قوسادى دەپ بىلەمىز»، - دەپ جەتكىزدى جەڭىس سەيدوللا ۇلى.
وتكەن كونسەرتتىك ماۋسىمدا ءوزىنىڭ 60 جىلدىق مەرەيتويىن اتاپ وتكەن "قازاقكونسەرتتىڭ" تاريحىنا ۇڭىلسەك، روزا باعلانوۆا بۇل ۇيىمدا 1960 جىلدان باستاپ، ءومىرىنىڭ سوڭىنا دەيىن جەمىستى ەڭبەك ەتكەن. "قازاقكونسەرتتىڭ" نەگىزىن قالاۋشىلاردىڭ ءبىرى، ۇيىمنىڭ ءانشىسى بولىپ، قازاقتىڭ ءان ونەرىن دامىتۋعا ولشەۋسىز زور ۇلەس قوستى.
كوزى تىرىسىندە اتى اڭىزعا اينالعان روزا ءتاجىباي قىزى مايدان دالاسىندا ءان سالىپ، اسەم داۋسىمەن بۇكىل الەمدى تامساندىردى. بار عۇمىرىن حالقىنا ارناعان روزا باعلانوۆا بويىنداعى تالانتىمەن قازاق ونەرىنىڭ ۇلىلىعىن پاش ەتىپ، ەلىمىزدىڭ رۋحاني بايلىعىن اسقاقتاتا ءتۇستى.