اقتوبە وبلىسى قۇرايلى اۋىلىندا 60 جاستاعى ايەل بىرگە ىشىمدىك ىشكەن ەر اداممەن بولعان جانجال كەزىندە ەر ادام قىلىش جاراقاتىنان قازا تاپقان، دەپ حابارلايدى Aqshamnews.kz ءتىلشىسى.
جەرگىلىكتى باسىلىم مالىمەتىنشە، وقيعا كۇنى ەكى ايەل مەن ءبىر ەر ادام بىرگە سپيرتتىك ىشىمدىك ىشكەن. ءبىراز ۋاقىتتان سوڭ ايەلدىڭ ءبىرى بولمەسىنە دەمالۋعا كەتكەن. كەيىن ەر ادام قولىنا قىلىش الىپ، ايەلگە ءتيىسىپ، جانجال تۋىنداعان. قىلىشقا تالاس كەزىندە سۋىق قارۋ ەر ادامنىڭ بەل تۇسىنا قادالعان.
ايەل جاراقاتتانعان ادامنىڭ قانىن توقتاتۋعا تىرىسىپ، كومەك شاقىرعانىمەن، ەر ادام العان جاراقاتىنان كوز جۇمعان. سوت كۇدىكتىنىڭ ەگدە جاسىن، ءجابىر كورگەنىن جانە ءوز ءومىرى ءۇشىن قورعانعانىن ەسكەرىپ، ءىستى «ادام ءولتىرۋ» بابىنان «ابايسىزدا ادام ءولتىرۋ» بابىنا قايتا سارالاعان.
ناتيجەسىندە ايەل شارتتى تۇردە ەكى جىلعا سوتتالىپ، جۇمىستان كەيىن كوشەگە شىعۋعا جانە كوڭىل كوتەرۋ ورىندارىنا بارۋعا تىيىم سالىندى.