جامبىل وبلىسىندا كامەلەتكە تولماعان بالاعا قاتىستى كۇش قولدانۋ دەرەگى بويىنشا سوتقا دەيىنگى تەرگەۋ باستالىپ، كۇدىكتى ايەل اتا-انا قۇقىعىنان ايىرىلۋى مۇمكىن، دەپ حابارلايدى Aqshamnews.kz ءتىلشىسى.
بالالاردىڭ قۇقىقتارىن قورعاۋ كوميتەتىنىڭ مالىمەتىنشە، وقيعاعا بايلانىستى سوت-مەديسينالىق ساراپتاما تاعايىندالعان. بالالار ۋاقىتشا بالالار ۇيىنە ورنالاستىرىلىپ، قاۋىپسىزدىگى قامتاماسىز ەتىلگەن. ءقازىر ولارعا مەديسينالىق كومەك كورسەتىلىپ، جاعدايى دارىگەرلەردىڭ باقىلاۋىندا ەكەنى ايتىلدى.
كوميتەت بالالارعا قاتىستى قاتىگەزدىككە ءتيىستى قۇقىقتىق باعا بەرىلىپ، كىنالى تۇلعالار زاڭ اياسىندا جاۋاپكەرشىلىككە تارتىلاتىنىن مالىمدەدى. اتا-انا قۇقىعىنان ايىرۋ ماسەلەسى كامەلەتكە تولماعاندار ىستەرى جانە ولاردىڭ قۇقىقتارىن قورعاۋ جونىندەگى كوميسسيادا قارالادى.
پوليسيا ق ر قىلمىستىق كودەكسىنىڭ 140-بابى 2-بولىگى بويىنشا تەرگەۋ امالدارىن باستاعان. ۆەدومستۆو ايەل ادامنىڭ وقيعانىڭ بارلىق ءمان-جايىن انىقتاۋعا باعىتتالعان تەرگەۋ ارەكەتتەرى ءۇشىن پوليسيا بولىمىنە جەتكىزىلگەنىن، ساراپتاما مەن تەرگەۋ قورىتىندىسىنا ساي پروسەسسۋالدىق شەشىم قابىلداناتىنىن حابارلادى.