2021 جىلدان باستاپ زاڭسىز باستالعان 1،5 مىڭعا جۋىق قىلمىستىق ءىس توقتاتىلدى
قىلمىستىق پروسەستە بيزنەستى قورعاۋ – پروكۋراتۋرا ورگاندارى جۇمىسىنىڭ باستى باعىتتارىنىڭ ءبىرى. ءدال وسى سالادا كاسىپكەرلەر ەڭ قاتال قىسىمعا تاپ بولادى. تەرگەۋ بارىسىندا مۇلىككە تىيىم سالىنادى، ءتىنتۋ، جاۋاپ الۋ، قۇجاتتاردى الۋ سىندى ارەكەتتەر جۇرگىزىلەدى، دەپ حابارلايدى Almaty-akshamy.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.
تەك قانا 2021 جىلدان باستاپ زاڭسىز باستالعان 1،5 مىڭعا جۋىق قىلمىستىق ءىس توقتاتىلدى. بۇل رەتتە، كەڭسەلەردە 2 مىڭ ءتىنتۋ مەن الۋ جۇرگىزىلگەن، 60 كاسىپكەردىڭ مۇلكى تاركىلەنگەن.
پروكۋرورلار جەكەلەگەن تەرگەۋ ورگاندارىنىڭ شتاتتىق مامانداردىڭ قورىتىندىلارى نەگىزىندە بيزنەسكە قارسى ءىس قوزعاۋ پراكتيكاسىن كەڭىنەن قولدانعانىن انىقتادى. قىلمىستىق وربيتاعا جۇزدەگەن كاسىپكەرلەر تارتىلعان.
بۇل رەتتە، مامانداردىڭ تۇجىرىمدارى جەتكىلىكتى مالىمەتتەرمەن بەكىتىلمەگەن جانە دە سوت ساراپشىلارى تاراپىنان ءجيى تەرىسكە شىعارىلعان.
وسىعان بايلانىستى، ادال بيزنەستى قىلمىستىق وربيتاعا تارتۋ فاكتىلەرىن ازايتۋ ماقساتىندا باس پروكۋراتۋرا قىلمىستىق قۋدالاۋ ورگاندارىنىڭ زاڭسىز ىس-ارەكەتتەرى مەن شەشىمدەرىنىڭ جولىنا جەدەل توسقاۋىل قويۋ ءۇشىن قوسىمشا شارالار ازىرلەدى.
«باس پروكۋرور بارلىق قىلمىستىق قۋدالاۋ ورگاندارىنا كاسىپكەرلىك سۋبەكتىلەرىنە قاتىستى سوتقا دەيىنگى تەرگەپ-تەكسەرۋلەردى تىركەۋ ءتارتىبىن قاتاڭ رەگلامەنتتەيتىن نۇسقاۋ جولدادى. اتاپ ايتقاندا، ازاماتتىق-قۇقىقتىق سيپاتتاعى ارىزدار مەن حابارلامالاردى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە (سدتبت) تىركەۋگە تىكەلەي تىيىم سالىندى»، - دەلىنگەن حابارلامادا.
جاڭا تالاپ رەتىندە تەكسەرىس، ريەۆيزيا نەمەسە اۋديت اكتىلەرىنە شاعىم جاساۋ مەرزىمدەرىنىڭ قولدانىلۋ كەزەڭىندە كاسىپكەرلىك سۋبەكتىسىنە قاتىستى سوتقا دەيىنگى تەرگەپ-تەكسەرۋدى تىركەۋگە تىيىم سالۋ قاعيداتى ەنگىزىلدى.
سونداي-اق كاسىپكەردىڭ قاراجاتتى ۇنەمدەۋ ناتيجەسىندە پايدا تابۋ فاكتىلەرى، ەگەر بۇل ورىندالعان جۇمىستىڭ ساپاسىنا تەرىس اسەر ەتپەسە، تەرگەپ-تەكسەرۋگە جاتپايدى.
بۇل ءبىرىنشى كەزەكتە مەملەكەتتىك ساتىپ الۋ جانە كۆازيمەملەكەتتىك كومپانيالاردىڭ تەندەرلەرى بويىنشا جۇمىستارعا قاتىستى.
قىلمىستىق قۋدالاۋ ورگاندارىنا شتاتتىق كريميناليست مامانداردىڭ رەسمي قورىتىندىلارىن تەرگەۋدى باستاۋعا نەگىز رەتىندە پايدالانباۋ تاپسىرىلدى.
«مۇنداي جاعدايلاردا كەلتىرىلگەن زالال تۋرالى مالىمەتتەر قىلمىستىق قۋدالاۋ ورگاندارىنا راستاۋشى قۇجاتتارعا نەگىزدەلگەن جانە بۇزىلعان قۇقىقتىڭ ناقتى نورمالارىن كورسەتەتىن ناقتى جانە وبەكتيۆتى دەرەكتەر قامتىلعان تاۋەلدى ەمەس مەملەكەتتىك ورگاندار ماماندارىنىڭ قورىتىندىلارىمەن بەكىتىلۋى ءتيىس. پروكۋرورلارعا ءبىر تاۋلىك ىشىندە ءاربىر قىلمىستىق ءىس بويىنشا سوتقا دەيىنگى تەرگەپ-تەكسەرۋدىڭ باستالۋىنىڭ زاڭدىلىعىن تەكسەرۋ جانە وسى كەزەڭدە بۇزۋشىلىقتار انىقتالعان كەزدە قىلمىستىق قۋدالاۋدى دەرەۋ توقتاتۋ تاپسىرىلدى»، - دەلىنگەن حابارلامادا.
بۇدان باسقا، پروكۋرورلار تۇراقتى تۇردە بيزنەس سۋبەكتىسىنە قاتىستى جاسىرىن تەرگەۋ ارەكەتتەرىنە باستاماشىلىق جاساۋدىڭ جانە ولاردى جۇرگىزۋدىڭ، سونداي-اق مۇلىككە بيلىك ەتۋگە ۋاقىتشا شەكتەۋلەر قويۋدىڭ نەگىزدىلىگىن دەرەۋ تەكسەرۋگە مىندەتتى.
پروكۋرورلار زاڭدىلىقتىڭ بۇزىلۋىن انىقتاعان جاعدايدا، زاڭسىز شەشىمدەردىڭ كۇشىن جويۋدان باسقا، بارلىق كىنالى لاۋازىمدى تۇلعالاردىڭ، ءتىپتى قىلمىستىق جاۋاپكەرشىلىككە دەيىن، جاۋاپتىلىعى تۋرالى ماسەلە قويۋ تاپسىرىلدى.