ورمان قورى مەن جانۋارلار الەمىنە ۇلكەن زيان كەلدى
ق ر مارلامەنتى ءماجىلىسىنىڭ دەپۋتاتتارى قوستاناي وبلىسىنداعى ورتتەن زارداپ شەككەندەرگە ءبىر كۇندىك تابىسىن اۋدارۋ تۋرالى شەشىم قابىلدادى، دەپ حابارلايدى Almaty-akshamy.kz.
قوستاناي وبلىسىنىڭ تۇرعىندارى بۇرىن-سوڭدى بولماعان قايعىلى جاعداي – ورتكە تاپ بولدى. وكىنىشكە قاراي، قايتىس بولعان ادام بار.
«جۇزدەگەن ۇيلەر مەن وندىرىستىك نىساندار قيرادى. ورمان قورى مەن جانۋارلار الەمىنە ۇلكەن زيان كەلدى. ءقازىر ۋاكىلەتتى ورگاندار بارلىق قاجەت شارانى قابىلداپ جاتىر. مەملەكەت باسشىسى جاعدايدى جەكە باقىلاۋدا ۇستاپ وتىر»، - دەلىنگەن پارلامەنت ءماجىلىسىنىڭ حابارلاماسىندا.
وسىنداي اۋىر كەزەڭدە بارلىق قازاقستاندىققا قوستانايلىقتارمەن بىرگە بولىپ، قولدان كەلگەنشە كومەك كورسەتۋ ماڭىزدى دەدى ماجىلىسمەندەر. سونىمەن قاتار ءماجىلىس دەپۋتاتتارى مارقۇمنىڭ تۋعان-تۋىستارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەس ەكەنىن جەتكىزدى.
«وسىعان بايلانىستى پارلامەنت ءماجىلىسى قوستاناي وبلىسىندا ءورت سالدارىنان زارداپ شەككەندەرگە ءبىر كۇندىك جالاقىسىن اۋدارۋ تۋرالى شەشىم قابىلدادى. ماجىلىسمەندەر مەن اپپارات قىزمەتكەرلەرى مارقۇمنىڭ تۋعان-تۋىستارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىن تىلەيدى»، - دەيدى ءماجىلىس دەپۋتاتتارى.