ولاردى بۇرىنعى جالعان ينۆەستيسيالىق قىزمەتتىڭ ويدان شىعارىلعان تۇراقتىلىعىن كورسەتىپ، تانىمال اتاۋلاردى، اقشا تارتۋدىڭ بىردەي ادىستەرىن قولداناتىن ارام پيعىلدى ادامدار اشادى.
بۇعان دەيىن قارجىلىق مونيتورينگ اگەنتتىگى «LV Force»، «World Business Consulting»، «The Finico»، «Caspian Crocus»، «B2B Jewelry»، «پك ەلىماي-2019»، «مەبەلنىي پروەكت نۋر»، «ليدەر»، «ليدەر كاپيتال-168»، «نارىمبەتوۆا»، «Hermes -LTD» جانە ت.ب. سياقتى قارجىلىق پيراميدالاردىڭ قىزمەتىنە توسقاۋىل قويعان بولاتىن، دەپ حابارلايدى Almaty-akshamy.kz.
«ولار قاراپايىم مەسسەندجەرلەردەن باستاپ ءبىلىم بەرۋ كۋرستارى مەن جىلجىمايتىن مۇلىك ساتىپ الۋعا دەيىن ءارتۇرلى قىزمەت تۇرلەرىن ۇسىنىپ، ازاماتتاردان اقشا الۋدىڭ قىلمىستىق سحەمالارىن جۇزەگە اسىردى. كومپانيالار قارجى پيراميداسى بولىپ، حالىق جيناعان قاراجاتىنان ايىرىلىپ جاتقانىنا قاراماستان، كەيبىر ازاماتتار قىلمىسكەرلەردىڭ جارنامالىق ناۋقاندارىنا ءىلىنىپ، اقشا سالۋدى جالعاستىرۋدا»، - دەلىنگەن قما حابارلاماسىندا.
وسىعان بايلانىستى قارجىلىق مونيتورينگ اگەنتتىگى پروفيلاكتيكالىق جۇمىستارعا باسا نازار اۋدارىپ، وقۋشىلار مەن ستۋدەنتتەر اراسىندا قارجىلىق قاۋىپسىزدىك جانە ساۋات اشۋ ساباقتارىن وتكىزىپ، قارجىلىق پيراميدا بەلگىلەرى بار سايتتار مەن اككاۋنتتاردى انىقتاۋ ءۇشىن زاماناۋي تەحنولوگيالاردى قولدانۋدا.
اگەنتتىك ازاماتتاردى قىراعى بولۋعا، جيناقتارىن كۇماندى قارجىلىق كومپانيالارعا سالماۋعا شاقىردى. ەگەر ءسىز نەمەسە ءسىزدىڭ جاقىندارىڭىز قارجى پيراميداسىنىڭ قىزمەتىنە تاپ بولسا، بۇل تۋرالى قارجىلىق مونيتورينگ اگەنتتىگىنە دەرەۋ حابارلاڭىز.