قىلمىسكەرلەرگە قارۋ ساتقان پوليسەيلەر سوتتالدى

جات اعىم وكىلدەرىنە قارۋ ساتقاندار 2 جىلدان 5 جىلعا دەيىن باس بوستاندىعىنان ايىرىلدى.

ولاردان 347 بىرلىك قارۋ، 13 گراناتا جانە 7 387 ءوق-دارى الىندى، دەپ حابارلايدى Almaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.

قازاقستاندا تىركەۋدەن شىعارىلعان قارۋ-جاراقتى قىلمىس الەمى مەن دەسترۋكتيۆتى ءدىني اعىم وكىلدەرىنە ساتىپ كەلگەن قۇقىق قورعاۋ ورگاندارىنىڭ قىزمەتكەرلەرى مەن بۇرىنعى قىزمەتكەرلەرىنە، سونداي-اق ولاردىڭ كومەكشىلەرىنە سوت ۇكىمى شىقتى.

ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ، الماتى قالاسى جانە الماتى، پاۆلودار، سولتۇستىك قازاقستان، قاراعاندى وبلىستارىندا قارۋدى قايتا اينالىمعا شىعارۋ ارناسىنىڭ جولىن كەستى.

تىركەۋدەن شىعارىلعان قارۋ مەن ءوق-دارى قىلمىستىق سحەما بويىنشا جويىلدى دەگەن جالعان ەسەپ ارقىلى كەيىن ساتىلۋعا شىعارىلىپ وتىرعان.

«قۇرىقتاۋ جانە ءتىنتۋ بارىسىندا 347 بىرلىك قارۋ، 13 گراناتا جانە 7 387 ءوق-دارى الىندى. پوليسيانىڭ بۇرىنعى قىزمەتكەرى ۇيىمداستىرعان قارۋدى موديفيكاسيالاۋ سەحى جويىلدى»، - دەپ حابارلادى ۇقك.

سونىمەن قاتار، قارۋ-جاراقتى كىمدەر ساتىپ العانى انىقتالدى. ولار - قىلمىس الەمى، دەسترۋكتيۆتى ءدىني اعىمدار جانە بۇرىنعى پوليسەيلەر.

سوت ۇكىمىمەن كىنالى ادامدار 2 جىلدان 5 جىلعا دەيىن باس بوستاندىعىنان ايىرۋ جازاسىنا كەسىلدى.

قىزمەتتىك مىندەتىنە سالعىرت قاراعانى جانە جەكە قۇرامدى باقىلاۋدى السىرەتكەنى ءۇشىن قۇقىق قورعاۋ ورگاندارىنىڭ ءبىرقاتار باسشىسى تەرىس نەگىز بويىنشا قىزمەتتەن شىعارىلدى.