بۇگىن اپپاراتتىق كەڭەستە توتەنشە جاعداي ءمينيسترى سىرىم ءشارىپحانوۆ تجم بەيىندى قۇرىلىمدىق بولىمشەلەرگە ءورت سوندىرۋشىلەر مەن قۇتقارۋشىلار ءۇشىن جاڭا فورما ازىرلەۋدى تاپسىردى.
ءمينيستردىڭ تاپسىرماسىنا سايكەس جاۋاپتى قىزمەتكەرلەردەن تۇراتىن جۇمىس توبى قۇرىلادى، دەپ حابارلايدى Almaty-akshamy.kz.
ولار ىڭعايلى جانە فۋنكسيونالدى ارنايى فورما جاساۋ جونىندەگى قاتارداعى ءورت سوندىرۋشىلەر مەن قۇتقارۋشىلاردىڭ بۇكىل ۇسىنىستارىن ەسكەرەدى.
جۇمىس توبى وسى باعىتتاعى ەڭ ۇزدىك الەمدىك تاجىريبەلەردى دە زەرتتەمەك.
«ءورت ءسوندىرۋ جانە اۆاريالىق-قۇتقارۋ جۇمىسى كوبىنەسە جەكە قۇرام ءۇشىن قيىن ءارى كۇردەلى وتەدى. وسىعان بايلانىستى فورما ىڭعايلى جانە فۋنكسيونالدى بولۋى كەرەك. ءبىزدىڭ مىندەتىمىز – قۇتقارۋشىلارعا وزدەرىنىڭ فۋنكسيونالدىق مىندەتتەرىن ورىنداۋ كەزىندە بارىنشا جايلىلىقتى قامتاماسىز ەتۋ. ءدال وسىنداي تاكتيكا ولاردى زاماناۋي قۇتقارۋ تەحنيكاسىمەن قامتاماسىز ەتۋگە قاتىستى بولۋى كەرەك»، - دەپ اتاپ ءوتتى سىرىم ءشارىپحانوۆ.