الماتىدا نوسەر جاۋادى.
الماتى قالاسىنىڭ توتەنشە جاعدايلار دەپارتامەنتى تۇرعىندارعا ۇندەۋ تاستادى. مينيسترلىك داۋىلدى ەسكەرتۋ جاريالادى، دەپ حابارلايدى Almaty-akshamy.kz.
23 قاراشادا توتەنشە جاعدايلار دەپارتامەنتىنىڭ مالىمەتىنشە، الماتىدا قاتتى جاۋىن-شاشىن (نەگىزىنەن جاڭبىر) جانە تۇمان كۇتىلەدى.
"ازاماتتاردى تاۋعا شىعۋدان باس تارتۋدى جانە 112 قىزمەتىنىڭ SMS حابارلامالارىن نازاردان تىس قالدىرماۋدى سۇرايمىز"، - دەيدى الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتى.
سونداي-اق، كولىك يەلەرىنە ماشينالارىن اعاشتاردىڭ، ەلەكتر جەلىلەرىنىڭ جانە باسقا دا بيىك قۇرىلىستاردىڭ استىنا قويماۋعا كەڭەس بەرىلەدى.
بۇعان دەيىن سينوپتيكتەر قازاقستاندا 23 قاراشاعا ارنالعان اۋا رايى بولجامىن ۇسىنعان بولاتىن. "قازگيدرومەت" رمك مالىمەتىنشە، ەلىمىزدىڭ باسىم بولىگىندە جاڭبىر مەن قار تۇرىندەگى جاۋىن-شاشىن ءوتىپ، شىعىستا قار جاۋادى.