ەكولوگيا جانە تابيعي رەسۋرستار مينيسترءلىگىءنىڭ مالىمەتىنشە، شىعىس قازاقستانداعى ءبىر عانا زايسان ويپاتىندا 11 ءتۇرلى 791 جىرتقىش قۇستىڭ ولەكسەسى تابىلدى.
ونىڭ ءىشىندە 43 بۇركىت (Aquila chrysaetos)، 11 دالا بۇركىتى (Aquila nipalensis) بولعان.
ەلەكتر جەلىلەرىنىڭ قىران-قۇستار جاپپاي ۇيا سالاتىن جەرىنەن وتەتىن تۇسىنداعى قىرىلۋ اۋقىمى مامانداردىڭ توبە شاشىن تىك تۇرعىزدى: جەلىلەردىڭ ءاربىر 10 شاقىرىمىندا ورتا ەسەپپەن 108،4 سيرەك قۇس ولگەن. بۇل – تابىلعان ءمۇردەلەر عانا. جىرتقىشتار سۇيرەتىپ الىپ كەتىپ، جەپ قويعانى قانشاما؟!
مۇنداي قايعىلى كورىنىس بارلىق جەردە بار. قينالىپ ولگەن، تىرىدەي جانىپ كەتكەن قۇستاردىڭ 44%-ى – ءىرى جىرتقىش قۇستار. سونىڭ ىشىندە قاراقۇستار، بۇركىتتەر، دالا بۇركىتتەرى دە بولعان.