2025 جىلعى 4 ءساۋىر كۇنى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ىشكى ىستەر مينيسترلىگى اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆ موپەدتەردى تىركەۋ بويىنشا حالىق اراسىندا تۋىنداعان اجيوتاجعا تۇسىنىكتەمە بەردى.
ونىڭ ايتۋىنشا، موپەدتەردى تىركەۋگە ەشقانداي مەرزىمدىك شەكتەۋ قويىلماعان. الايدا 5 ساۋىردەن باستاپ تىركەلمەگەن موپەدتەردى پايدالانۋعا تىيىم سالىنادى. تيىسىنشە، بۇل كۇننەن كەيىن دە موپەدتەردى تىركەۋ مۇمكىندىگى ساقتالادى.
«تىركەۋدى كەز كەلگەن ۋاقىتتا جاساۋعا بولادى، ءبىراق 5 ساۋىردەن كەيىن تىركەلمەگەن موپەدتى جولعا شىعارۋعا بولمايدى. بۇل تالاپ جول قوزعالىسى قاۋىپسىزدىگىن قامتاماسىز ەتۋ ماقساتىندا ەنگىزىلىپ وتىر»، – دەدى قايسار سۇلتانبايەۆ.
بۇگىن، 4 ساۋىردە، الماتى قالاسىنداعى سايالى ىقشام اۋدانىنداعى اۆتوسون الدىندا جۇزدەگەن موپەد پەن تىركەۋ كەزەگىندە تۇرعان ادامداردىڭ ۇزىن-سونار لەگى بايقالدى.
ەسكە سالا كەتەيىك، موپەد جۇرگىزۋشىلەرىنە 5 ساۋىردەن باستاپ تىركەۋسىز كولىك قۇرالىن باسقارعانى ءۇشىن اكىمشىلىك جاۋاپكەرشىلىك قاراستىرىلعان.