تۇمانباي مولداعالييەۆتىڭ 90 جىلدىعىنا ارنالعان ادەبي-سازدى كەش
ادەبي-سازدى كەشكە ۇستازداالماتىدا قازاق پوەزياسىنىڭ كورنەكتى وكىلى، سىرشىل دا شىنايى جىرلارىمەن ەل ەسىندە قالعان اقيىق اقىن تۇمانباي مولداعالييەۆتىڭ 90 جىلدىق مەرەيتويىنا وراي 169 مەكتەپ-ليسەيىندە ادەبي-سازدى كەش ءوتتى. «قۇستار قايتىپ بارادى» دەپ اتالعان بۇل شارا اقىننىڭ رۋحاني مۇراسىن ناسيحاتتاۋعا، وسكەلەڭ ۇرپاقتىڭ پوەزياعا دەگەن سۇيىسپەنشىلىگىن ارتتىرۋعا ارنالدى.ر، وقۋشىلار، جاس ادەبيەتسۇيەر قاۋىم، سونداي-اق، مادەنيەت قايراتكەرلەرى قاتىستى. شارانىڭ شىمىلدىعى اقىنعا ارنالعان جۇرەكجاردى لەبىزدەرمەن اشىلىپ، تۇمانباي مولداعالييەۆتىڭ ءومىر جولى مەن شىعارماشىلىعىنا توقتالدى. وقۋشىلار اقىننىڭ «ءبىزدىڭ تۋ»، «كىنا قويما، جاقسى دوس»، «انا» سىندى مانەرلى ولەڭدەرىن وقىپ، كورەرمەننىڭ ىقىلاسىنا بولەندى. سونىمەن قاتار، پوەزيا مەن ساز ۇندەسكەن كەشتە «قۇستار قايتىپ بارادى»، «جان انا» سياقتى اندەر ورىندالىپ، قازاق ءبيى «اقبۇلاق» كورەرمەنگە ەرەكشە اسەر سىيلادى.
شارا بارىسىندا ءسوز العان ديرەكتوردىڭ تاربيە ءىسى جونىندەگى ورىنباسارى گاليموۆا گۋلناز اقىن مۇراسىنىڭ جاس ۇرپاق ءۇشىن ماڭىزدىلىعىنا توقتالدى:
«تۇمانباي مولداعالييەۆتىڭ جىرلارى – شىنايىلىقتىڭ، تازالىقتىڭ، تۋعان جەر مەن ادامزاتقا دەگەن سۇيىسپەنشىلىكتىڭ جارقىن ۇلگىسى. بۇگىنگى ادەبي كەش – اقىن رۋحىنا تاعزىم عانا ەمەس، جاس ۇرپاقتىڭ پوەزياعا دەگەن قىزىعۋشىلىعىن ارتتىرۋعا باعىتتالعان ماڭىزدى قادام. اقىن شىعارماشىلىعى ەشقاشان وزەكتىلىگىن جوعالتپايدى، ول قازاق ادەبيەتىنىڭ اسىل قازىناسى بولىپ قالا بەرمەك»، – دەدى ول.
تۇمانباي مولداعالييەۆتىڭ ليريكاسى – ءمولدىر سەزىمنىڭ، ادال ماحاببات پەن تۋعان جەرگە دەگەن شەكسىز سۇيىسپەنشىلىكتىڭ كورىنىسى. ادەبي كەش سوڭىندا قاتىسۋشىلار اقىننىڭ مۇراسى ماڭگى جاسايتىنىن، ونىڭ ولەڭدەرى قازاق رۋحانياتىنىڭ باعا جەتپەس قۇندىلىعى بولىپ قالا بەرەتىنىن اتاپ ءوتتى.