ق ر ءىىم ۇلتتىق ۇلانىنىڭ وفيسەرى امانعالي سەمەنوۆ قايعىلى وقيعانىڭ الدىن الدى.
ۇلاندىق وفيسەر تۇرعىن ءۇيدىڭ ءتورتىنشى قاباتىنان سەكىرمەك بولعان ايەلدى قۇتقاردى، دەپ حابارلايدى aqshamnews.kz Polisia.kz-كە سىلتەمە جاساپ.
وقيعا 16 ناۋرىزدا كۇندىزگى ۋاقىتتا الماتىنىڭ كوپپاتەرلى ۇيلەرىنىڭ بىرىندە بولعان. امانعالي وقيعا ورنىنا كەزدەيسوق تاپ بولعان، جوعارىعا قاراپ تۇرعان ادامداردى كورىپ، نە بولىپ جاتقانىن بىلمەك بولدى. بۇل ۋاقىتتا وقيعا ورنىندا پوليسيا قىزمەتكەرلەرى جۇمىس ىستەپ، ايەلدى تاعدىرلى قادامنان باس تارتۋعا كوندىرۋگە تىرىسىپ جاتقان ەدى. ۇلاندىق وفيسەر ۋاقىت جوعالتپاي، جوعارعى قاباتتان ارقانمەن تومەنگە ءتۇسىپ، كورشى تەرەزەدەن پاتەر ىشىنە كىردى.
بىردەن قوناق بولمەگە ءوتىپ، اسقان ساقتىقپەن سەكىرگەلى تۇرعان ايەلدى ارتقا ءقاۋىپسىز جەرگە سۇيرەپ شىعاردى. اسكەري قىزمەتشى مەن پوليسەيلەردىڭ كاسىبي ارەكەتتەرىنىڭ ارقاسىندا قايعىلى جاعدايعا جول بەرىلمەدى. وقيعا ورنىنا كەلگەن دارىگەرلەر ايەلگە قاجەتتى كومەك كورسەتتى، ال قۇزىرەتتى ورگاندار قازىرگى ۋاقىتتا وقيعانىڭ ءمان-جايىن انىقتاپ جاتىر.