– ۇلى دالانىڭ ساحاراسىن، ۇلان-عايىر اتىراپتى مەكەندەگەن، ماڭگىلىك كوك اسپاننىڭ استىنداعى قازاق جۇرتشىلىعى!
قازاق ەلىنىڭ تىنىشتىعى – ول ەكونوميكا جاعىنان دا، ساياسي جاعىنان دا، الەۋمەتتىك جاعىنان دا ءبىزدىڭ بولاشاق جاستارىمىز ءۇشىن وتە ماڭىزدى. ءبىز – عاسىردان-عاسىرعا جالعاسىپ جاتقان ۇرپاقتى باعالاعان، سوزگە توقتاعان قازاقتىڭ ۇرپاعىمىز! سوندىقتان اۋىزبىرشىلىك ارقىلى مەملەكەتتىڭ بولاشاعىن، قوعام تىنىشتىعىن ويلاۋىمىز كەرەك.
پرەزيدەنتىمىز قاسىم-جومارت كەمەل ۇلى توقايەۆ بۇگىنگى ق ر پارلامەنتى ءماجىلىسىنىڭ وتىرىسىندا تالاي تىڭ دۇنيەنى تىلگە تيەك ەتتى. ماسەلەن، ول جاستاردىڭ باستاماسىنا بەرىلەتىن گرانتتار قۇنى 400 اەك-كە دەيىن ارتاتىنىن ايتتى. پرەزيدەنت ۇكىمەتكە «جاستار ىس-تاجىريبەسى» جانە «العاشقى جۇمىس ورنى» جوبالارىنا قاتىسۋدىڭ مەرزىمىن سوزىپ، ەڭبەكاقىسىن كوتەرۋ مۇمكىندىگىن قاراستىرۋدى تاپسىردى.
حالىقتىڭ الەۋمەتتىك وسال توبىنداعى جاستاردىڭ ىسكەرلىك باستامالارىن ىسكە اسىرۋعا جاعداي جاساۋ ماڭىزدى دەدى. سونىمەن قاتار پرەزيدەنت بالالارعا ارنالعان سپورت نىساندارى قالا مەن اۋدان، اۋىلداردا سالىناتىنىن حابارلادى. قابىلەتتى بالالارعا كومەك كورسەتىپ، مادەنيەتتى نىعايتامىز دەدى. سەبەبى، ءبىلىمدى، بىلىكتى، مادەنيەتتى، رۋحتى جاستار – ءبىزدىڭ بولاشاعىمىز. ماڭگىلىك ەلدىڭ تۇتقاسىن ۇستايتىن جاس ۇرپاقتىڭ جاعدايى وڭدى بولۋى ءتيىس.
كەشەگى ەل ءىشىن الا تايداي بۇلدىرگەن لاڭكەستەرگە قارسى تۇرا بىلگەن دە وسىنداي وتانشىل ورىمدەي ۇلاندارىمىز.
ق.توقايەۆ «قازاقستان حالقىنا» قوعامدىق قورىن قۇرۋدى تاپسىردى. بۇل حالىق قورى بولماق. ول اكىمدىكتەرگە نەمەسە ۇكىمەتكە باعىنىشتى بولمايدى. جەكە بەدەلدى باقىلاۋ كەڭەسى قۇرىلادى. بارلىق اقپارات اشىق بولادى دەدى. سونداي-اق، مەملەكەتتىك ورگاندار ساننان ساپاعا، ەسەپتەن ىسكە كوشۋى كەرەگىن شەگەلەدى.
وسى ماسەلەلەردى ءسوز كۇيىندە قالدىرماي، اياعىنا دەيىن جەتكىزۋىمىز قاجەت. ول ءۇشىن بىلىكتى ادامداردان كوميسسيا قۇرىپ، تالاپ قويىپ جانە ناتيجەسىن شىعارۋىمىز كەرەك.