قازاقستان ۇلتتىق بانكى توتەنشە جاعداي باستالعان ساتتەن باستاپ ىشكى نارىقتاعى احۋالدى ءجىتى باقىلاۋىندا ۇستاپ وتىر
بانك وتىمدىلىگىن قولداۋ ءۇشىن ۇلتتىق بانك ستاندارتتى قۇرالدارعا قوسىمشا قازاقستان قور بيرجاسىندا (KASE) رەپو وپەراسيالارى ارقىلى وتىمدىلىكتى 3 ايعا دەيىنگى مەرزىمگە قولداۋ تەتىگىن پايدالانا باستادى، دەپ حابارلايدى Almaty-akshamy.kz
ەكىنشى دەڭگەيلى بانكتەردىڭ بارلىق قاجەتتىلىكتەرى تولىق كولەمدە قاناعاتتاندىرىلىپ وتىر.
الماتى قالاسى مەن باسقا دا وڭىرلەردەگى احۋال تۇراقتالىپ، بايلانىس تەتىكتەرى رەت-رەتىمەن قالپىنا كەلۋىنە بايلانىستى 2022 جىلعى 12 قاڭتاردان باستاپ قازاقستان قور بيرجاسىنىڭ ۆاليۋتا الاڭىندا ساۋدا-ساتتىق، ەكىنشى دەڭگەيلى بانكتەردىڭ جانە بانكتىك ەمەس ايىرباستاۋ پۋنكتتەرىنىڭ ۆاليۋتالىق ايىرباستاۋ وپەراسيالارى، سونداي-اق حالىقارالىق تولەمدەر مەن اۋدارىمدار قايتا جاندانادى.
ورىن العان كەلەڭسىز وقيعالار كەزىندە قارجىلىق تۇراقتىلىققا قولداۋ كورسەتۋ ماقساتىندا مەملەكەت باسشىسىنىڭ تاپسىرماسىنا سايكەس، ۇلتتىق بانك قاجەتتىلىككە قاراي ءوزىنىڭ تىكەلەي قاتىسۋىمەن جاعداي تولىق تۇراقتالعانشا ۆاليۋتالىق ينتەرۆەنسيالار جۇرگىزۋ جانە نارىقتىڭ ىشكى، سىرتقى قاتىسۋشىلارى تاراپىنان تەڭگەگە دەگەن سەنىمدى قالپىنا كەلتىرۋ ارقىلى ۆاليۋتا نارىعىنىڭ تەڭگەرىمدىلىگىن قامتاماسىز ەتەدى.