ەرەسەكتەر اراسىندا وتكەن جارىس ءۇش كۇنگە سوزىلدى.
ۇيىمداستىرۋشىلاردىڭ ايتۋىنشا، بۇل - بەسىنشى دۇنيەجۇزىلىك كوشپەندىلەر ويىندارىنا دايىندىق. بىرىنشىلىككە ەلىمىزدىڭ 10 وبلىسى مەن 2 قالاسىنان 100-گە جۋىق قۇسبەگى قاتىستى، دەپ حابارلايدى Almaty-akshamy.kz.
چەمپيوناتتى تاماشالاۋعا بۇركىتشى قىز اتانعان ايشولپان نۇرعايىپ قىزى دا كەلدى. اتى الەمگە تانىمال قۇسبەگى قاتتى جەل سوعىپ، ادامدارعا قولايسىزدىق تۋعىزعانىنا قاراماستان، سايىستىڭ وتە تارتىستى وتكەنىن ايتتى. جالپى،بيىلعى جارىستا ءبىرىنشى رەت سايىستىڭ بارلىق كەزەڭىن ايقىن كورسەتىپ تۇراتىن ەلەكتروندى تابلو مەن شىرعا پايدالانىلدى. قۇسبەگىلىك بيىل 8-14 قىركۇيەك ارالىعىندا استانادا وتەتىن V دۇنيەجۇزىلىك كوشپەندىلەر ويىنىنىڭ سپورتتىق باعدارلاماسىنا ەندى.
«ءقازىر باياعىداي ەمەس، ەندى ءتاي-تاي باستاعان كەزدە قۇسبەگىلەرىمىز جان-جاقتان تاجىريبە الماسۋ دەيدى عوي ول جاعى از بولدى دا. ءقازىر جارىس كوپ بولعاننان كەيىن مىقتى. ءار وبلىس مىقتى ءقازىر. موڭعوليادان كەلگەن قانداستار، قىتايدان كەلگەن قانداستار ۇلەسىن قوسىپ جاتىر ءقازىر. ءوزىمىزدىڭ جەرگىلىكتى قۇسبەگىلەر دە جان-جاقتى دايىندالىپ جاتىر. مەن ويلايمىن ءوز باسىم جارىسقا كەلگەن ادامنىڭ ءار قايسى چەمپيون دەپ ويلايمىن»، - دەيدى قۇسبەگى ارمان قوشقاروۆ.
.