بۇل تۋرالى گەرمانيانىڭ «عىلىم جانە ساياسات قورى» اتتى بەدەلدى عىلىمي-ساراپتامالىق ورتالىعىنىڭ ماقالالار جيناعىندا جارىق كوردى.
ورتا دەرجاۆالار قاتارىنا قازاقستانمەن بىرگە تۇركيا، يزرايل، ءۇندىستان سىندى ەلدەر كىرەدى، دەپ حابارلايدى Almaty-akshamy.kz.
بۇل ساناتقا ادەتتە حالىقارالىق ساياسي جانە ەكونوميكالىق ارەنادا ماڭىزدى ءرول اتقاراتىن مەملەكەتتەر ەنەدى. عىلىمي ورتالىق ماماندارىنىڭ پىكىرىنشە، قازاقستان سىرتقى ساياساتىمەن ەرەكشەلەنەدى. سول ارقىلى ورتالىق ازيا ايماعىندا الاتىن ورنى زور دەلىنگەن. ماقالادا قازاقستاننىڭ سىرتقى ساياسات، ەكونوميكا جانە ەنەرگەتيكا سالاسىنداعى جەتىستىكتەرى جاريالاندى.