بۇل تۋرالى ۇلتتىق عىلىم اكادەمياسىنىڭ پرەزيدەنتى كۇنسۇلۋ زاكاريا ءمالىم ەتتى.
بۇلاردىڭ بىرەۋى ءقازىردىڭ وزىندە ساتىلاۋسىل،ىمدا بار، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيولوگيالىق قاۋىپسىزدىك پروبلەمالارىنىڭ عىلىمي زەرتتەۋ ينستيتۋتى جانىنان زاۋىت اشىلدى. وندا اۋقىمدى زەرتتەۋلەر، تاجىريبەلىك-ونەركاسىپتىك سىناقتار مەن ءساتتى شىققان زەرتتەۋ جوبالارىن كەڭ اۋقىمدى وندىرىسكە شىعارۋ جۇمىستارى ءجۇرىپ جاتىر. ۆاكسينالارعا كەلسەك، قۇس تۇماۋى جانە اۋسىلعا قارسى ەكپەنى ايتۋعا بولادى»، - دەدى كۇنسۇلۋ زاكاريا استانا حالىقارالىق فورۋمى بارىسىندا.
عىلىم اكادەمياسى باسشىسىنىڭ ايتۋىنشا، ەلىمىزدە تاياۋ ارادا اۋسىلعا قارسى ەكپە شىعارىلا باستايدى.
«اۋسىلعا قارسى ۆاكسينا بويىنشا الەمدەگى جەتەكشى «Boehringer Ingelheim» كومپانياسىمەن اۋقىمدى كەلىسسوزدەر ءجۇرىپ جاتىر. ءبىز جاقىن ارادا بىرلەسكەن ءونىم الۋعا قول جەتكىزەمىز دەپ ويلايمىز. اتالعان ۆاكسينا ءوز ەلىمىزدە وندىرىلەتىن بولادى. قۇس تۇماۋىنا قارسى ۆاكسينا ءقازىردىڭ وزىندە ءوندىرىلىپ، ساتىلىپ جاتىر»، - دەيدى ك. زاكاريا.