قۇس ەتىن ءوندىرۋ بويىنشا الماتى جانە اقمولا وبلىستارى كوش باستاپ تۇر.
تامىز ايىنىڭ قورىتىندىسىنا سايكەس، قۇس ەتىنىڭ باعاسى ءبىر جىلدا 27،9%-عا ءوستى، دەپ حابارلايدى Almaty-akshamy.kz ەnergyprom.kz-كە سىلتەمە جاساپ.
تاۋىق باعاسى 25،9%-عا، تاۋىق ەتى 28،5%-عا قىمباتتاعان.
قىمباتشىلىقتى ماڭعىستاۋ وبلىسىنىڭ تۇرعىندارى سەزىنگەن. مۇندا قۇس ەتىنىڭ باعاسى بىردەن 43،8%-عا وسكەن. ودان كەيىنگى ورىنداردا اقتوبە (37،8%) جانە پاۆلودار (35،2%) وبلىستارى بار. تاۋىق ەتى باعاسىنىڭ ەڭ تومەنگى جىلدىق ءوسىمى قاراعاندى وبلىسىندا (15%) تىركەلدى.
تامىز ايىندا دۇكەن سورەلەرى مەن بازارلارداعى تاۋىق باعاسى كيلوگراممى ءۇشىن ورتاشا ەسەپپەن 1،3 مىڭ تەڭگە بولسا، تاۋىق ەتىنىڭ ءبىر كەلىسى 1،2 مىڭ تەڭگەگە ساتىلعان.
وسى جىلدىڭ قاڭتار-شىلدە ايلارىندا جاڭا سويىلعان نەمەسە سالقىنداتىلعان قۇس ەتىنىڭ ءوندىرىسى 64،2 مىڭ تونناعا جەتكەن. بۇل 2021 جىلمەن سالىستىرعاندا 3،5%-عا كوپ.
سونىمەن قاتار 75،9 مىڭ توننا مۇزداتىلعان قۇس ەتى وندىرىلگەن.
قۇس ەتىن ءوندىرۋ بويىنشا الماتى جانە اقمولا وبلىستارى كوش باستاپ تۇر.
ءبىرىنشى جارتىجىلدىقتىڭ قورىتىندىسىنا سايكەس، وتاندىق كومپانيالار قۇس ەتى مەن تاعامدىق قوسىمشا ونىمدەردى 71،1%-عا قامتاماسىز ەتكەن. بىلتىرعى كورسەتكىش – 68،9%.
ءوندىرىس 4،2%-عا ءوسىپ، ەت يمپورتى 6%-عا قىسقاردى. ىشكى نارىقتا ءوندىرىستى وتكىزۋ كولەمى 196،8 مىڭ تونناعا جەتكەن. بۇل بىلتىرعىعا قاراعاندا 5،3%-عا ارتىق.