قۇرىلىسى ۇزاققا سوزىلعان سپورت نىسانىنا قاتىستى ءىس قارالعان كەزدە سوت اكىمدىكتىڭ جاعىنا شىقتى. بۇل تۋرالى قالالىق نىسانداردى ارالاۋ كەزىندە الماتى اكىمىنە بەيىندى باسقارمانىڭ وكىلدەرى باياندادى، دەپ حابارلايدى almaty-akshamy.kz
الاتاۋ اۋدانىنداعى تەننيس ورتالىعى كەلۋشىلەر ءۇشىن وسىدان ەكى جىل بۇرىن ەسىگىن اشۋى ءتيىس ەدى. كۇنى بۇگىنگە دەيىن عيمارات پايدالانۋعا دايىن ەمەس. سپورت ورتالىعىن سالۋعا بيۋدجەتتەن قاراجات العان «پمك-7ك» ج ش س مەردىگەر ۇيىمى مىندەتتەمەلەرىن ورىنداماعانى ءۇشىن مەملەكەتتىك ساتىپ الۋلاردىڭ جوسىقسىز قاتىسۋشىسى بولىپ تانىلدى.
سوت كومپانياعا ايىپپۇل تولەۋگە، سونداي-اق جۇمىس ىستەمەگەن اۆانستى قايتارۋعا مىندەتتەدى. مەردىگەر شەشىمگە قارسى شىعۋعا تىرىستى، ءبىراق ازاماتتىق ىستەر جونىندەگى سوت القاسى اپەللياسيالىق شاعىمدى وزگەرىسسىز قالدىردى. ەربولات دوسايەۆ بەيىندى باسقارمالارعا اتقارىلعان جۇمىستارعا تەحنيكالىق اۋديت جۇرگىزۋدى جانە وبەكتىنىڭ قۇرىلىسىن اياقتاۋ جونىندە ۇسىنىستار ەنگىزۋدى تاپسىردى.