«ماركەتپلەيس» اقپاراتتىق الاڭى قۇرىلىس ماتەريالدارىنىڭ قۇنىن 15% دەيىن تومەندەتۋگە مۇمكىندىك بەرەدى جانە نارىقتىڭ اشىقتىعىن قامتاماسىز ەتەدى.
ق ر يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى قايىربەك وسكەنبايەۆ بۇگىن مەملەكەتتىك ساتىپ الۋلاردىڭ اشىقتىعىن ارتتىرۋعا جانە جالپى قۇرىلىس سالاسىنىڭ جۇمىسىنا ىقپال ەتەتىن جاڭا سيفرلىق التى جوبا تۋرالى ايتىپ بەردى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
قايىربەك وسكەنبايەۆتىڭ ايتۋىنشا، قۇرىلىستىڭ اشىقتىعىن قامتاماسىز ەتۋ ءۇشىن مەملەكەتتىك تاپسىرىسپەن سالىنىپ جاتقان نىساندار بويىنشا بارلىق دەرەكتەر (قۇرىلىس ماتەريالدارى مەن جۇمىس كەستەسىن قوسا العاندا) كەلەسى جىلدان باستاپ ە-Qurylys ءبىرىڭعاي اقپاراتتىق جۇيەسى ارقىلى قاداعالانادى. بارلىق تولەمدەر ءوز كەزەگىندە Blockchain-پلاتفورماسى ارقىلى وسى جۇيەگە ەنگىزىلگەن اقپارات نەگىزىندە جۇزەگە اسىرىلادى.
ناتيجەسىندە بيۋدجەتتەن جۇمسالعان ءاربىر تەڭگەنى پايدالانۋ بارىنشا اشىق جۇرگىزىلەدى. مەملەكەتتىك نىساندارداعى قۇرىلىس پروسەسىن سيفرلاندىرۋ (جاسىرىن جۇمىستاردىڭ بارلىق جۋرنالدارىمەن جانە ورىندالعان اكتىلەرمەن) جۇمىستارى باستالدى. كەلەسى جىلدان باستاپ پروسەسس تولىعىمەن اۆتوماتتاندىرىلادى. بۇدان باسقا، قۇرىلىس جوبالارىنىڭ مەملەكەتتىك دەرەكقورى نەگىزىندە ق ر ييدم ماماندارى ىرىلەندىرىلگەن سمەتالىق نورماتيۆتەردى پىسىقتاپ، قالىپتاستىردى. سونداي-اق، قۇرىلىس وبەكتىسىنىڭ شەكتى قۇنىن جىلدام ەسەپتەۋگە مۇمكىندىك بەرەتىن جانە ونىڭ قۇنىن اسىرا باعالاۋدى بولدىرمايتىن ونلاين-كالكۋلياتور ازىرلەدى. كالكۋلياتور مەملەكەتتىك ساراپتاما پورتالىندا بەكىتىلگەن (epsd.kz). تاعى ءبىر سيفرلىق جاڭالىق – وتاندىق قۇرىلىس ماتەريالدارىن ونلاين-ساتۋعا ارنالعان «ماركەتپلەيس» اقپاراتتىق الاڭى.
وتاندىق وندىرۋشىلەر مەملەكەت قولداۋىمەن ۇزاق مەرزىمدى كەلىسىم-شارتتار جاساسۋعا جانە قۇرىلىس ماتەريالدارىن بەلگىلەنگەن قۇنىمەن ساتۋعا مۇمكىندىك الادى. قۇرىلىس سالۋشىلارعا دا ءتيىمدى»،-دەپ ەسەپتەيدى ق ر يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى.
سونداي-اق، قۇرىلىستاعى جەرگىلىكتى قامتۋ ۇلەسىن ارتتىرۋ ءۇشىن ق ر ييدم قولدانىلاتىن قۇرىلىس ماتەريالدارىنىڭ تولىق نومەنكلاتۋراسىن كورسەتەتىن ەلەكتروندىق ءتىزىلىم جاسادى. بيۋدجەت قاراجاتى ەسەبىنەن قارجىلاندىرىلاتىن وبەكتىلەردە وتاندىق قۇرىلىس ماتەريالدارىن مىندەتتى تۇردە قولدانۋ جونىندەگى تالاپتار زاڭ جۇزىندە بەكىتىلدى.
ە-Qurylys جۇيەسىنىڭ بلوكچەين-تەتىكتەرى ارقىلى ساتىپ الىنعان وتاندىق قۇرىلىس ماتەريالدارى بويىنشا مەردىگەرلەردىڭ ەسەپتەرى مەملەكەتتىك ساتىپ الۋ پورتالىندا كورسەتىلەدى جانە وبەكتىنىڭ جوبالىق-سمەتالىق قۇجاتتاماسىندا كورسەتىلگەن دەرەكتەرمەن اۆتوماتتى تۇردە سالىستىرىلادى. پورتالداردى ينتەگراسيالاۋ بويىنشا جۇمىستار جۇرگىزىلۋدە.