الماتىدا جۇك كولىگىن جۇرگىزۋشىلەردىڭ ءجيى زاڭ بۇزاتىنى انىقتالدى

ءبىر كۇننىڭ ىشىندە 21 زاڭ بۇزۋشىلىق انىقتالعان.

الماتى پوليسەيلەرى زاڭ بۇزعان جۇك كولىگىن جۇرگىزۋشىلەرىن انىقتادى، دەپ حابارلايدى Almaty-akshamy.kz. 

ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، 2 تامىز كۇنى قالادا جۇك كولىگى جۇرگىزۋشىلەرىنە قاتىستى الدىن الۋ ءىس-شاراسى جۇرگىزىلگەن.

پوليسيا جۇك كولىگىنىڭ جۇرگىزۋشىلەرىنىڭ جول قوزعالىسى ەرەجەلەرىن، جۇكتەردى تاسىمالداۋ ەرەجەلەرىن، كولىك قۇرالىنىڭ تەحنيكالىق جاعدايىنىڭ تالاپتارىنا سايكەستىگىنە جاپپاي تەكسەرۋ جۇرگىزدى. جۇك كولىگى جۇرگىزۋشىلەرى كوپ جاعدايدا اقاۋى بار نەمەسە كولىك قۇرالىن پايدالانۋعا تىيىم سالىنعان جاعدايلاردا دا كولىكتى جۇرگىزىپ، زاڭ بۇزادى.

تەكسەرۋ ناتيجەسىندە ءبىر كۇندە 21 بۇزۋشىلىق انىقتالىپ، اكىمشىلىك جازا قولدانىلدى، ونىڭ ىشىندە: 590-باپ 5ء-بولىم (تەحنيكالىق جاعداي) – 11 بۇزۋشىلىق، 590-باپ 1ء-بولىم (متنب ستاندارت تالاپتارىنا سايكەس كەلمەيدى) – التى بۇزۋشىلىق، 601-باپ (جول بەلگىلەرى) – ەكى بۇزۋشىلىق، 593-باپ 1ء-بولىم (جۇكتەردى تاسىمالداۋ ەرەجەسىن بۇزۋ) – ەكى بۇزۋشىلىق. الماتى قالاسى ءپد-نىڭ جەرگىلىكتى پوليسيا قىزمەتى باسقارماسى مۇنداي رەيدتىك ءىس-شارالاردىڭ تۇراقتى تۇردە جۇرگىزىلەتىنىن اتاپ ءوتتى.